Used Cars: భాగ్యనగరంలో పెరిగిన సెకండ్ హ్యాండ్ కార్ల అమ్మకాలు
- Follow Us :
-
-
Add as a preferred
source on google
Used Cars: ప్రస్తుతం జనాలందరూ తాము సౌకర్యవంతంగా ఉండాలని కోరుకుంటున్నారు. అందుకోసం ఎంత ఖర్చు చేయడానికి కూడా వెనుకాడటం లేదు. ముఖ్యంగా సొంత ఇల్లు, కారు ఉండాలని ఆశ పడుతున్నారు. బ్యాంకులు కూడా వీటికి సంబంధించి లోన్ లు ఇస్తూ ఉండటంతో వీటిని కొనడానికి చాలా మంది ఆసక్తి చూపిస్తున్నారు. ఇక కార్ల విషయానికి వస్తే ఫ్యామిలీతో బయటకు వెళ్లడానికి బైక్ ల కంటే కార్లు చాలా కంఫర్ట్ గా ఉంటాయి. అందుకే కుటుంబం కోసమైనా కారు కొనాలనుకుంటున్నారు. కొత్తకారు కొనే స్తోమత లేని వారు సెకండ్ హ్యాండ్ కార్లను కొనుగులు చేస్తున్నారు. అంతేకాదు ఈ ఏడాది భాగ్యనగరంలో సెకండ్ హ్యాండ్ కార్ల అమ్మకాలు విపరీతంగా పెరిగాయి. గతేడాదితో పోలిస్తే ఈ అమ్మకాలు 156 శాతం పెరిగినట్లు ఓ సర్వేలో తేలింది. సెకండ్ హ్యాండ్ కార్లకు కూడా బ్యాంకులు లోన్ ఇవ్వడం వీటి అమ్మకాలకు ఊతమిచ్చినట్లు అయ్యింది. మైలేజీ, ప్రీమియం ఫీచర్స్, ఎయిర్‌బ్యాగ్‌లు, డ్రైవర్‌ అసిస్ట్‌ సిస్టమ్స్‌, ఆటోప్లే మ్యూజిక్‌ సిస్టమ్స్‌, సన్‌రూఫ్స్‌, అడ్వాన్స్‌ టెక్నాలజీ సెకండ్ హ్యాండ్ కారు కొనే వారు ఇవన్నీ మొదటగా చూస్తున్నారు. ఇవి బాగుంటేనే ఆ కారును తీసుకోవడానికి ఇష్టపడుతున్నారు.
ఇక ధర విషయానికి వస్తే ఆరు లక్షల లోపు ఉండే కార్లను తీసుకోవడానికి మొగ్గు చూపుతున్నాయి. సెకండ్ హ్యాండ్ లో కూడా కొన్ని కార్ల మోడళ్లను వినియోగదారులు ఎక్కువగా కొంటున్నారు. వాటిలో మారుతి స్విఫ్ట్‌, వ్యాగనార్, ఆల్టో, బాలెనో కార్లు ఉన్నాయి. ఇక ఇవేకాకుండా ఐ20 సిటీ, రెనో క్విడ్‌, ఐ20 సిటీ, వోక్స్ వాగన్ పోలోలు ఉన్నాయి. వీటిని ఆయా సంస్థలు జీరో పేమెంట్ తో అందిస్తూ ఉండటంతో వీటి డిమాండ్ బాగా పెరిగింది. జీరో డౌన్‌ పేమెంట్‌తో వాహనాలు తీసుకునే వారి సంఖ్య హైదరాబాద్ లో 142 శాతం పెరిగింది.