భారత్‌లో రెండో మంకీపాక్స్ కేసు నమోదైంది. కేరళ ప్రభుత్వం బుధవారం దీనిని ధృవీకరించింది. యునైటెడ్ అరబ్ ఎమిరేట్స్ (యుఎఇ) నుండి ఇటీవల తిరిగి వచ్చిన 38 ఏళ్ల వ్యక్తికి ఈ ఇన్‌ఫెక్షన్ సోకినట్లు గుర్తించారు. మలప్పురానికి చెందిన 38 ఏళ్ల వ్యక్తి యూఏఈ నుంచి తిరిగి వచ్చిన తర్వాత పాజిటివ్‌గా తేలిందని రాష్ట్ర ఆరోగ్య మంత్రి వీణా జార్జ్ తెలిపారు. ఈ క్రమంలో.. వ్యాధికి సంబంధించిన ఏవైనా లక్షణాలను వారు గమనించినట్లయితే చికిత్స పొందాలని, ఆరోగ్య విభాగానికి తెలియజేయాలని జార్జ్ ప్రజలను కోరారు.
Read Also: Jani Master: జానీ మాస్టర్‌ ఇష్యూ..ఇక నోరు విప్పకండి.. డ్యాన్సర్లకు వార్నింగ్‌
ఎంపాక్స్ పేషెంట్‌ను ఐసోలేట్ చేసి మెడికల్ ప్రోటోకాల్ ప్రకారం చికిత్స అందిస్తున్నామని ఆరోగ్య మంత్రి జార్జ్ తెలిపారు. 9 రోజుల క్రితం దేశంలో మొదటి మంకీపాక్స్ నిర్ధారణ అయింది. బాధితుడు దక్షిణాఫ్రికాకు వెళ్లి వచ్చాడు. కాగా.. మంకీపాక్స్ తొలి కేసు దేశ రాజధాని ఢిల్లీలో నమోదైంది. హర్యానాలోని హిసార్‌కు చెందిన 26 ఏళ్ల వ్యక్తి ఢిల్లీలోని ఎల్‌ఎన్‌జెపి ఆసుపత్రిలో చికిత్స పొందుతున్నాడు.
Read Also: Parthasarathy: ఏపీ కేబినెట్ నిర్ణయాలు వెల్లడించిన మంత్రి.. మందుబాబులకు శుభవార్త
గత నెలలో.. ప్రపంచ ఆరోగ్య సంస్థ (WHO) ఆఫ్రికాలోని అనేక ప్రాంతాలలో వైరస్ వ్యాప్తి కారణంగా.. ఎంపాక్స్ ని రెండవసారి అంతర్జాతీయ ఆందోళన (PHEIC) యొక్క ప్రజారోగ్య అత్యవసర పరిస్థితిగా ప్రకటించింది. ఎంపాక్స్ సంక్రమణ సాధారణంగా బాధితునికి మాత్రమే పరిమితమై ఉంటుంది. ఇది రెండు నుండి నాలుగు వారాల పాటు ఉంటుంది. రోగులు సాధారణంగా వైద్య సంరక్షణతో కోలుకుంటారు. ఇది సోకిన రోగితో సన్నిహిత సంబంధం ద్వారా వ్యాపిస్తుంది.