Rajinikanth-Sathyaraj: విభేదాలకు ముగింపు.. కలిసిపోయిన రజనీకాంత్‌, సత్యరాజ్‌!

Rajinikanth and Sathyaraj end Feud: సూపర్ స్టార్ రజనీకాంత్, సీనియర్‌ నటుడు సత్యరాజ్‌ తమ విభేదాలకు ముగింపు పలికి.. కలిసిపోయారా? అంటే అవుననే సమాధానం వినిపిస్తోంది. 38 ఏళ్ల తర్వాత వీరిద్దరూ కలిసి నటించడానికి సిద్ధమయ్యారు. లోకేశ్‌ కనగరాజ్‌ తెరకెక్కిస్తున్న ‘కూలీ’లో రజనీకాంత్‌, సత్యరాజ్‌ నటిస్తున్నారట. రజనీ స్నేహితుడిగా ఆయన కనిపించనున్నారని తెలుస్తోంది. అయితే ఈ విషయాన్ని చిత్ర యూనిట్ ఇంకా అధికారికంగా ధ్రువీకరించాల్సి ఉంది.

1986లో కావేరీ జల వివాదం సందర్భంగా రజనీకాంత్‌పై సత్యరాజ్‌ తీవ్ర స్థాయిలో వ్యాఖ్యలు చేశారు. దీంతో ఇద్దరి మధ్య మనస్పర్థలు వచ్చాయి. అప్పటి నుంచి వీరిద్దరూ కలిసి నటించలేదు. చివరిసారిగా 1986లో వచ్చిన ‘మిస్టర్‌ భరత్‌’లో తండ్రీకొడుకులుగా వీరు నటించారు. తాజాగా కూలీ’లో నటించేందుకు రజనీకాంత్‌, సత్యరాజ్‌లను లోకేశ్‌ కనగరాజ్‌ ఒప్పించాడు. శంకర్ దర్శకత్వంలో రజనీకాంత్ నటించిన శివాజీ చిత్రంలో మొదట సత్యరాజ్‌ని విలన్‌గా తీసుకున్నారు. కానీ అతను ఆ ఆఫర్‌ను తిరస్కరించడంతో ఆ పాత్ర సుమన్‌ చేశారు.

Also Read: Nandamuri Balakrishna: ఎన్టీఆర్‌ అంటే ఓ శక్తి.. తెలుగువారికి ఆరాధ్య దైవం!

గతేడాది ‘జైలర్‌’తో సూపర్ స్టార్ రజనీకాంత్ బ్లాక్ బస్టర్ హిట్ కొట్టిన సంగతి తెలిసిందే. ఐతే ఈ ఏడాది ‘లాల్ సలామ్’తో అభిమానుల్ని నిరాశ పరిచాడు. లోకేశ్‌ కనగరాజ్‌ తెరకెక్కిస్తున్న కూలీపై భారీ అంచనాలు నెలకొన్నాయి. ఈ చిత్రంలో రజనీకి జోడీగా శోభన నటించనున్నారు. కమల్‌ హాసన్‌ అతిథి పాత్రలో కనిపించనున్నారు. ఈ చిత్రంను సన్‌ పిక్చర్స్‌ నిర్మిస్తోంది. ‘లియో’ తర్వాత లోకేశ్‌ కనగరాజ్‌ చేస్తోన్న చిత్రమిదే.