Saripodhaa Sanivaaram: ‘సరిపోదా శనివారం’ తొలి షో అప్పుడే!
- ఆగస్టు 29న ప్రేక్షకుల ముందుకు రానున్న 'సరిపోదా శనివారం'
- ఎర్లీ మార్నింగ్ షోలు వేస్తున్నామని చిత్ర బృందం ప్రకటన
Saripodhaa Sanivaaram: నేచురల్ స్టార్ నాని నటించిన ‘సరిపోదా శనివారం’ మరో మూడు రోజుల్లో అంటే ఆగస్టు 29న ప్రేక్షకుల ముందుకు రానుంది. డైరెక్టర్ వివేక ఆత్రేయ తెరకెక్కించిన ఈ చిత్రంలో గ్యాంగ్లీడర్ ఫేం ప్రియాంక అరుళ్ మోహన్ కథానాయికగా నటించింది. ఈ యాక్షన్ ఎంటర్టైనర్ చిత్రం ఇప్పటికే ప్రేక్షకుల్లో మంచి అంచనాలు క్రియేట్ చేసింది. ఈ చిత్రంతో నేచురల్ స్టార్ నాని మరోసారి బాక్సాఫీస్ దగ్గర బ్లాక్ బస్టర్ హిట్ అందుకోవడం ఖాయమని ఆయన అభిమానులు ధీమా వ్యక్తం చేస్తున్నారు. కాగా ఈ సినిమా రిలీజ్ రోజున తొలి ఆట ఎప్పుడు ఉంటుందా అని అభిమానుల్లో ఉత్కంఠ నెలకొంది. ఈ నేపథ్యంలో చిత్ర బృందం దీనిపై క్లారిటీ ఇచ్చింది. ఆగస్టు 29న ‘సరిపోదా శనివారం’ ఎర్లీ మార్నింగ్ షోలు వేస్తున్నామని.. తొలి షో ఉదయం 7గంటలకు ప్రారంభమవుతుందని ప్రకటించింది. దీనికి సంబంధించిన ఆన్లైన్ బుకింగ్స్ రేపు(మంగళవారం) ప్రారంభమవుతాయని తెలిపారు
Read Also: Allu Vs Mega War: అల్లు – మెగా ఫ్యామిలీ వార్ అస్థిత్వం కోసమేనా?
నాని నటించిన ఈ సినిమా ఇప్పటికే తెలుగు రాష్ట్రాలతో పాటు ఓవర్సీస్లోనూ అడ్వాన్స్ సేల్స్తో సంచలనం సృష్టిస్తోంది. ఈ చిత్రంలో ఎస్జె సూర్య, సాయి కుమార్, శుభలేఖ సుధాకర్, అదితి బాలన్, మురళీ శర్మ తదితరులు ముఖ్య పాత్రలు పోషిస్తున్నారు. డీవీవీ ఎంటర్టైన్మెంట్ నిర్మించిన ఈ చిత్రానికి జేక్స్ బిజోయ్ ఎలక్ట్రిఫైయింగ్ మ్యూజిక్ అందించారు.