బ్రిటీష్ వారికి వ్యతిరేకంగా జరిగిన స్వాతంత్య్ర పోరాటం బ్యాక్డ్రాప్లో ‘ఏ వతన్ మేరే వతన్’ చిత్రం తెరకెక్కింది . ఈ సినిమాలో బాలీవుడ్ నటి సారా అలీ ఖాన్ ప్రధాన పాత్ర పోషిస్తుంది.బ్రిటీష్ పాలనకు వ్యతిరేకంగా 1940ల్లో రేడియో స్టేషన్ నిర్వహించిన భారత స్వాతంత్య్ర సమర యోధురాలు ఉషా మెహతా జీవితం ఆధారంగా ఈ చిత్రం రూపొందుతోంది. ఈ మూవీకి కన్నన్ అయ్యర్ దర్శకత్వం వహించారు. ఈ ‘ఏ వతన్ మేరే వతన్’ సినిమా ట్రైలర్ను అమెజాన్ ప్రైమ్ వీడియో ఓటీటీ ప్లాట్ఫామ్ నేడు (మార్చి 4) రిలీజ్ చేసింది.గాంధేయవాదిగా ఉండే ఉషా మెహతా (సారా అలీ ఖాన్) కాలేజీ రోజుల నుంచే భారత స్వాతంత్య్ర ఉద్యమంలో పాల్గొనే అంశంతో ‘ఏ వతన్ మేరే వతన్’ ట్రైలర్ మొదలైంది.
ప్రమాదమని తెలిసినా.. కుటుంబ సభ్యులు వారించినా కూడా ఉషా మెహతా ఉద్యమంలో పోరాడుతూనే ఉంటారు. ఈ క్రమంలో స్వాతంత్య్ర ఉద్యమకారుల్లో స్ఫూర్తిని నింపేందుకు ఆమె ప్రత్యేకంగా ఓ రేడియో ఛానెల్ ను ప్రారంభిస్తారు. ఈ రేడియో స్టేషన్ ఎక్కడుందో గుర్తించి ధ్వంసం చేసేందుకు బ్రిటీషర్ వారు ప్రయత్నిస్తారు. అయితే, ఎవరికీ తెలియని ప్రాంతంలో రహస్యంగా ఈ రేడియో స్టేషన్ను నిర్వహిస్తూ.. స్వాతంత్య్ర ఉద్యమానికి ఊతమిస్తుంటారు ఉషా.ఉషా మెహతా జీవితం, రేడియో స్టేషన్తో ఆమె చేసిన స్వాతంత్య్ర పోరాటం గురించి ‘ఏ వతన్ మేరే వతన్’ చిత్రం తెరకెక్కింది.ఈ మూవీ ట్రైలర్ ఆద్యంతం ఇంట్రెస్టింగ్గా సాగింది. పీరియాడిక్ సెటప్ కూడా పర్ఫెక్ట్గా కనిపించింది.. ఈ ట్రైలర్లో బ్యాక్గ్రౌండ్ మ్యూజిక్ కూడా ఆకట్టుకుంది.’ఏ వతన్ మేరే వతన్’ చిత్రంలో ఉషా మెహతాగా సారా అలీ ఖాన్ నటించగా.. రామ్ మనోహర్ లోహియా పాత్రను ఇమ్రాన్ హష్మి పోషించారు. ఈ చిత్రంలో సచిన్ ఖేడేకర్,అభయ్ వర్మ, స్పర్ష్ శ్రీవాత్సవ్, అలెక్స్ ఓ నెల్ మరియు ఆనంద్ తివారీ కీలకపాత్రలు పోషించారు.