Tilak Varma: తిలక్ వర్మకు షాక్.. సంజూ శాంసన్కు గుడ్ న్యూస్..?
- Follow Us :
-
-
Add as a preferred
source on google
ఇటీవల కాలంలో భారత టీ20 జట్టు ప్రదర్శన తీవ్ర నిరాశాజనకంగా సాగుతోంది. ఐర్లాండ్ సిరీస్ తర్వాత, ఇంగ్లాండ్తో జరుగుతున్న సిరీస్లోనూ టీమిండియా వరుస పరాజయాలను చవిచూసింది. జట్టులోకి కొత్త ఆటగాళ్లు వచ్చినప్పటికీ ఆశించిన ఫలితాలు రావడం లేదు. ఇంగ్లాండ్తో జరిగిన రెండో టీ20లో స్టార్ వికెట్ కీపర్ బ్యాటర్ సంజూ శాంసన్ను పక్కనబెట్టి, యువ సంచలనం వైభవ్ సూర్యవంశీకి అవకాశం ఇచ్చారు. అయితే.. సూర్యవంశీ రెండు మ్యాచ్ల్లోనూ ఆశించిన స్థాయిలో రాణించలేకపోయాడు. మరోవైపు వైస్ కెప్టెన్ తిలక్ వర్మ సైతం ఫామ్ కోల్పోయి తీవ్రంగా ఇబ్బంది పడుతున్నాడు. గత మ్యాచ్లో 56 పరుగులు చేసినా, ఆ తర్వాత వరుసగా విఫలమవుతూ వస్తున్నాడు. మూడో టీ20లో అతను 11 బంతుల్లో కేవలం 3 పరుగులు మాత్రమే చేసి అవుటయ్యాడు.
ఈ నేపథ్యంలో భారత మాజీ అసిస్టెంట్ కోచ్ కీలక వ్యాఖ్యలు చేశారు. తిలక్ వర్మ స్థానంలో సంజూ శాంసన్ను మిడిల్ ఆర్డర్లో ఆడించాలనే డిమాండ్పై ఆయన స్పందిస్తూ.. కేవలం జట్టులోకి తీసుకోవాలనే కారణంతో శాంసన్ను మిడిల్ ఆర్డర్లో ఆడించి బ్యాటింగ్ కాంబినేషన్ను దెబ్బతీయవద్దని మేనేజ్మెంట్ను హెచ్చరించారు.
టాప్-3లోనే సంజూ సక్సెస్..
సంజూ శాంసన్ ఓపెనర్గా లేదా టాప్-3 స్థానాల్లో బ్యాటింగ్ చేసినప్పుడే అత్యుత్తమ ప్రదర్శన ఇచ్చాడని, ఒకవేళ అతడిని జట్టులోకి తీసుకోవాలనుకుంటే ఆ స్థానాల్లోనే అవకాశం ఇవ్వాలని మాజీ కోచ్ సూచించారు. అలా కాకుండా నంబర్ 4, 5 లేదా 6 స్థానాల్లో పంపితే ఆశించిన ఫలితాలు రావన్నారు. ఆ స్థానాల్లో సంజూకు సరైన రికార్డు కూడా లేదని గుర్తు చేశారు.
ఆవేశపూరిత నిర్ణయాలు వద్దు..
ఇంగ్లాండ్తో జరిగిన రెండో టీ20 మ్యాచ్లో మొదట బ్యాటింగ్ చేస్తూ 190 పరుగులు చేసినా, లక్ష్యాన్ని కాపాడుకోవడంతో భారత్ విఫలమవుతోందని హెడ్ కోచ్ గౌతమ్ గంభీర్ పేర్కొన్న విషయాన్ని ఆయన ప్రస్తావించారు. పరిస్థితులను సరిగ్గా అంచనా వేయకపోవడం వల్లే ఈ సమస్య వస్తోందన్నారు. ఇక మూడో టీ20లో టీమిండియా అన్ని విభాగాల్లో విఫలం అయింది. దీని కారణంగానే మార్పులు చేయాలని సీనియర్లు అభిప్రాయపడుతున్నారు. కేవలం మార్పుల కోసమే జట్టును మార్చకూడదని, సంజూ శాంసన్ రాణించాలంటే అతనికి అలవాటైన స్థానాన్ని ఇవ్వాలని, లేదంటే ప్రస్తుతం ఉన్న బ్యాటింగ్ లైనప్తోనే కొనసాగడం మంచిదని టీమ్ మేనేజ్మెంట్కు హితవు పలికారు. ప్రస్తుత పరిస్థితుల్లో తిలక్ వర్మ వరుస వైఫల్యాల నేపథ్యంలో, తదుపరి మ్యాచ్ల్లో సంజూ శాంసన్ను టాప్ ఆర్డర్లో ఆడిస్తూ తిలక్పై వేటు వేసే అవకాశాలు కనిపిస్తున్నాయి.