టాలీవుడ్ లక్కీ చార్మ్ సంయుక్త (Samyuktha) ప్రస్తుతం లేడీ ఓరియెంటెడ్ సినిమాలతో తన సత్తా చాటుతోంది. మహిళా దినోత్సవం సందర్భంగా ఆమె నటిస్తున్న లేటెస్ట్ మూవీ ‘ది బ్లాక్ గోల్డ్’ నుండి చిత్ర బృందం ఒక పవర్ఫుల్ పోస్టర్ను విడుదల చేసింది. ఈ సినిమాలో సంయుక్త ఒక ఫియర్ లెస్, పవర్ఫుల్ పాత్రలో కనిపించబోతున్నట్లు పోస్టర్ చూస్తుంటేనే అర్థమవుతోంది. ‘ఆయుధాల కంటే న్యాయాన్ని నమ్మే మహిళ’ అనే ట్యాగ్ లైన్తో ఈ పాత్రను పరిచయం చేశారు. పోస్టర్లో సంయుక్త లుక్ చాలా ఇంటెన్సివ్గా ఉండటంతో సినిమాపై అంచనాలు పెరిగిపోయాయి. యోగి దర్శకత్వంలో తెరకెక్కుతున్న ఈ సినిమాను హాస్య మూవీస్, మాగంటి పిక్చర్స్ సంయుక్తంగా నిర్మిస్తున్నాయి.
Also Read : Kamal Haasan:రోజుకు రూ. 15 కోట్లా? ఇండియాలో హయ్యెస్ట్ పెయిడ్ హీరో ఎవ్వరో తెలుసా..!
గతంలో ‘బింబిసార’, ‘విరూపాక్ష’ వంటి సినిమాలతో భారీ విజయాలు అందుకున్న సంయుక్త, ఇప్పుడు ఈ ప్రయోగాత్మక చిత్రంతో మరో హిట్ తన ఖాతాలో వేసుకోవాలని చూస్తోంది. ఈ చిత్రానికి శ్యామ్ సీఎస్ (Sam CS) సంగీతం అందిస్తుండగా, రామజోగయ్య శాస్త్రి గారు సాహిత్యం అందిస్తున్నారు. ఉమెన్స్ డే రోజున ఒక మహిళా ప్రధాన చిత్రానికి సంబంధించిన అప్డేట్ రావడంతో నెటిజన్లు సంయుక్తకు శుభాకాంక్షలు తెలుపుతున్నారు. త్వరలోనే ఈ సినిమా థియేటర్లలోకి రాబోతున్నట్లు మేకర్స్ ప్రకటించారు. గ్లామర్ పాత్రలకే పరిమితం కాకుండా ఇలాంటి పెర్ఫార్మెన్స్ ఓరియెంటెడ్ కథలను ఎంచుకుంటున్న సంయుక్తను చూసి అభిమానులు మురిసిపోతున్నారు.
