Salaar: ఇండియన్ ఓటీటీ హిస్టరీలో సలార్ భారీ రికార్డ్

Salaar: పాన్ ఇండియా స్టార్ ప్రభాస్ నటించిన లేటెస్ట్ బ్లాక్‍బాస్టర్ మూవీ సలార్.. ఈ సినిమాను కెజిఎఫ్ తో సెన్సేషనల్ హిట్ అందుకున్న ప్రశాంత్ నీల్ తెరకెక్కించారు. సలార్ మూవీ గత ఏడాది డిసెంబర్ 22 న విడుదలయి బ్లాక్ బస్టర్ విజయం సాధించింది. హైవోల్టేజ్ యాక్షన్ డ్రామాగా ఈ చిత్రాన్ని దర్శకుడు ప్రశాంత్ నీల్ తెరకెక్కించారు. ఈ మూవీకి రూ.700కోట్లకు పైగా కలెక్షన్లు వచ్చాయి. ఈ చిత్రంతో ప్రభాస్ మరో బ్లాక్ బస్టర్ తన ఖాతాలో వేసుకున్నాడు.. సలార్‌లో ప్రభాస్ యాక్షన్ సీక్వెన్స్‌లు ప్రేక్షకులను విపరీతంగా ఆకట్టుకున్నాయి. సలార్ సినిమాలో ప్రభాస్‍తో పాటు పృథ్వీరాజ్ సుకుమారన్ ప్రధాన పాత్ర పోషించారు. శృతి హాసన్ ఈ చిత్రంలో హీరోయిన్‍గా నటించింది. ఈ సినిమాలో జగపతిబాబు, ఈశ్వరిరావు, టినూ ఆనంద్, బాబి సింహా, శ్రీయారెడ్డి, దేవరాజ్, రామచంద్ర రాజు ముఖ్య పాత్రలు పోషించారు. సలార్ చిత్రాన్ని హెంబాలే ఫిల్మ్స్ పతాకంపై విజయ్ కిరంగదూర్ నిర్మించారు. ఈ మూవీకి రవి బస్రూర్ సంగీతం అందించారు.

Read Also:AP Crime: ప్రియుడితో కలిసి భర్తను లేపేసిన భార్య.. ఆలస్యంగా వెలుగుచూసిన గుట్టు..

అయితే ఈ సినిమా దక్షిణాది భాషలు సహా ఇంగ్లీష్ భాషలో దిగ్గజ స్ట్రీమింగ్ సంస్థ నెట్ ఫ్లిక్స్ అందుబాటులోకి తీసుకొచ్చిన సంగతి తెలిసిందే. హిందీలో డిస్నీ+ హాట్ స్టార్ వారు తీసుకొచ్చారు. అయితే ఇందులో సలార్ బిగ్గెస్ట్ రికార్డ్ సెట్ చేసింది. మరి హాట్ స్టార్ లో వచ్చిన ఈ సినిమా ఏకంగా 250 రోజులు ఇండియా వైడ్ గా ట్రెండింగ్ లో నిలిచినట్లు వారు తెలిపారు. దీనితో సలార్ హిందీ వెర్షన్ ఎంత పెద్ద హిట్ అయిందనేది అర్థం చేసుకోవచ్చు. హాట్ స్టార్ లో హిందీ సినిమాలు కొత్త సినిమాలు కూడా చాలానే ఉన్నప్పటికీ సలార్ ఈ రికార్డ్ సెట్ చెయ్యడం విశేషం. అయితే దీనిని హాట్ స్టార్ వారు నిన్న ప్రభాస్ బర్త్ డే సందర్భంగా రివీల్ చేశారు. మొత్తానికి అయితే సలార్ విధ్వంసం ఓ రేంజ్ లో ఉందనే చెప్పాలి.

Read Also:IND vs AUS: పక్కనపెట్టేందుకు కారణం ఏదీ లేదు.. సర్ఫరాజ్‌ తుది జట్టులో ఉండాల్సిందే!