SDT 19: టాలీవుడ్ సుప్రీమ్ హీరో సాయి దుర్గ తేజ్ తన తదుపరి ప్రాజెక్ట్ అనౌన్స్మెంట్తో టాక్ ఆఫ్ ది టౌన్గా నిలిచారు. కిరణ్ అబ్బవరం హీరోగా వచ్చిన ‘క’ సినిమాతో సక్సెస్పుల్ డైరెక్టర్లుగా గుర్తింపు తెచ్చుకున్న సుజిత్, సందీప్ దర్శకత్వంలో మెగా మేనల్లుడు తన 19వ సినిమా (SDT 19) చేయబోతున్నట్లు అధికారికంగా వెల్లడించారు. ఈ సినిమా అనౌన్స్మెంట్ సందర్భంగా విడుదల చేసిన పోస్టర్ నెట్టింట వైరల్గా మారింది. ఒక పౌరాణిక యోధుడి గెటప్లో, చేతిలో కత్తి పట్టుకుని కొండపై నిలబడిన సాయి దుర్గ తేజ్ లుక్ పవర్ ఫుల్గా ఉంది. “యుగాల రహస్యాలు.. ఊహకు అందని శక్తి.. ఒక కొత్త పౌరాణిక శక్తి ఉదయిస్తోంది” అంటూ మేకర్స్ ఇచ్చిన క్యాప్షన్ సినిమాపై అంచనాలను ఒక్కసారిగా ఆకాశానికి ఎత్తేసింది.
READ ALSO: Exclusive : రామ్ చరణ్ ‘పెద్ది’ ఏప్రిల్ 30న రిలీజ్ ఫిక్స్.. బుకింగ్స్ ఓపెన్
తమ మొదటి సినిమాతోనే స్క్రీన్ ప్లే మ్యాజిక్ ఏంటో డైరెక్టర్స్ సుజిత్-సందీప్ (‘క’ ఫేమ్) చూపించారు. ఈ చిత్రాన్ని షైన్ స్క్రీన్స్ బ్యానర్పై సాహూ గార్లపాటి నిర్మిస్తున్నారు. ఇది ఒక పీరియడ్ మిస్టరీ థ్రిల్లర్ లేదా మైథలాజికల్ యాక్షన్ డ్రామాగా ఉండబోతుందని సమాచారం. ఇప్పటికే సాయి దుర్గ తేజ్ హీరోగా రోహిత్ కెపి దర్శకత్వంలో ఒక పీరియడ్ యాక్షన్ డ్రామా (SDT 18) తెరకెక్కుతుంది. ఈ సినిమా పూర్తి అయిన వెంటనే ‘క’ దర్శకులతో మరో భారీ చిత్రాన్ని పట్టాలెక్కించడంపై అభిమానులు సంతోషం వ్యక్తం చేస్తున్నారు. విరూపాక్ష వంటి సక్సెస్ సినిమా తర్వాత ఈ మెగా హీరో అద్భుతమైన కథతో బాక్సాఫీస్ వద్ద రాబోతుండటంతో ‘మెగా’ హిట్ ఖాయమని ఫ్యాన్స్తో పాటు విశ్లేషకులు భావిస్తున్నారు.
Secrets of the ages… ✨
Power beyond imagination. ⚡A new mythic force rises. ⚔️
Excited to bring this powerful vision to life with the Mega Supreme Hero @IamSaiDharamTej garu and Sensational duo @Dir_Sujith & @Dir_SandeepM ❤️🔥#SDT19 #CosmicChronicles@Shine_Screens… pic.twitter.com/BYYAyfbdlO
— Sahu Garapati (@sahugarapati7) April 3, 2026
READ ALSO: Kitchen Tips: మాడిన గిన్నెలను నిమిషాల్లో కొత్త దానిలా మెరిపించే సింపుల్ చిట్కాలు ఇవే!
