నేటి నుంచి ఏపీలో దివ్యాంగులకు సదరం క్యాంపులు

నేటి నుండి ఏపీ వ్యాప్తంగా దివ్యాంగులకు సదరం క్యాంపులు ఏర్పాటు చేయనుంది జగన్‌ సర్కార్‌. ఈ కార్యక్రమం ద్వారా 24 గంటల్లో దివ్యాంగులకు ధ్రువీకరణ పత్రాలు జారీ చేయనున్నారు. ఇక ఇవాళ ఉదయం 8 గంటలకే సదరం క్యాంపులు ప్రారంభమయ్యాయి. ఈ నెల 16 నుండి స్లాట్ల బుకింగ్ మీసేవ కేంద్రాల్లో కొనసాగుతున్నది. అటు దివ్యాంగులకు ధ్రువీకరణ పత్రాలను జారీ చేసేందుకు తగిన ఏర్పాట్లు చేసింది వైద్య ఆరోగ్య శాఖ.

read also : ఇండియా కరోనా అప్డేట్‌… తగ్గుతున్న కేసులు

రాష్ట్ర వ్యాప్తంగా ఏకంగా 171 ప్రభుత్వ ఆసుపత్రులలో సదరం క్యాంపులు ఏర్పాటు చేశారు. సామాజిక ఆరోగ్య కేంద్రాలు , ఏరియా , జిల్లా, టీచింగ్ ఆసుపత్రులలో క్యాంపులుఏర్పాటు చేశారు. కరోనా ప్రభావంతో నిలిచిపోయిన సదరం క్యాంపులు నేటి నుండి తిరిగి ప్రారంభం అయ్యాయి. ఆయా ప్రభుత్వ ఆస్పత్రులకు ఇప్పటికే ఉత్తర్వులు జారీ చేసిన ఏపీవివిపి కమిషనర్… సదరం క్యాంపులను సద్వినియోగం చేసుకోవాలని విన్నవించారు.