Rukmini Vasanth : ఎన్టీఆర్-నీల్ మూవీలో రుక్మిణి వాసంత్.. కాస్త క్లారిటీ ఇవ్వండయ్యా !

Rukmini Vasanth : మ్యాన్ ఆఫ్ మాసెస్ ఎన్టీఆర్ ఇటీవల దేవరతో వచ్చి హిట్ కొట్టిన సంగతి తెలిసిందే. దీంతో ప్రస్తుతం తన నెక్స్ట్ మూవీని దర్శకుడు ప్రశాంత్ నీల్ డైరెక్షన్‌లో తెరకెక్కించేందుకు సిద్ధమవుతున్నాడు. ఇప్పటికే ఈ సినిమాను అఫీషియల్ గా ప్రారంభించారు. ఇక రెగ్యులర్ షూటింగ్ జరుపుకునేందుకు కూడా యూనిట్ సిద్ధం అవుతుంది. అయితే, గతకొద్ది రోజులుగా ఈ సినిమాకు సంబంధించిన క్యాస్టింగ్‌పై కొన్ని వార్తలు సోషల్ మీడియాలో చక్కర్లు కొడుతున్నాయి. ప్రస్తుతం దేవర హంగామా దాదాపు ముగిసినట్టే. ఈ నేపథ్యంలో జూనియర్ ఎన్టీఆర్ తన తర్వాత సినిమాలపై దృష్టి కేంద్రీకరించారు. అందులో భాగంగా ప్రస్తుతం హృతిక్ రోషన్ కాంబినేషన్లో నటిస్తున్న వార్ 2 చిత్ర షూటింగ్ లో జాయిన్ అయ్యాడు. దాంతో పాటే ప్రశాంత్ నీల్ సినిమాలో నటిస్తున్నాడు.

Read Also:Nepal: నేపాల్ కరెన్సీపై భారత ప్రాంతాలు.. ముద్రించనున్న చైనా..

కేజీఎఫ్ సిరీస్ తో వరల్డ్ వైడ్ గా సెన్సేషన్ క్రియేట్ చేసిన కన్నడ స్టార్ డైరెక్టర్ ప్రశాంత్ నీల్ దర్శకత్వంలో రామానాయుడు స్టూడియోలో అతి కొద్ది మంది సమక్షంలో పూజ కార్యక్రమాలతో ఈ సినిమాను స్టార్ట్ చేశారు. సంక్రాంతి కానుకగా 2026 జనవరి 9న ఈ సినిమాను వరల్డ్ వైడ్ గా రిలీజ్ చేయనున్నట్లు అధికారకంగా ప్రకటిస్తూ పోస్టర్ రిలీజ్ చేశారు. కాగా నవంబర్ లాస్ట్ వీక్ నుండి ప్రశాంత్ నీల్ సినిమా షూట్ మొదలు కాబోతుంది. కొంత గ్యాప్ తీసుకుని ప్రశాంత్ నీల్ సినిమా కోసం లుక్ మార్చి జనవరి చివరలో ఈ సినిమా సెట్స్ లో అడుగుపెడతాడు.

Read Also:KA public Talk : ఇచ్చిన మాట నిలబెట్టుకున్న కిరణ్ అబ్బవరం

ఇక ఈ సినిమాలో అందాల భామ రుక్మిణి వాసంత్ హీరోయిన్‌గా సెలెక్ట్ అయ్యిందని.. వీరి కాంబినేషన్ అదిరిపోతుందన్న టాక్ సినీ వర్గాలతో పాటు సోషల్ మీడియాలో జోరుగా చక్కర్లు కొడుతోంది. అయితే, ఇదే విషయాన్ని రుక్మిణి వాసంత్ దగ్గర ప్రస్తావించగా, ఆమె మౌనంగా ఉన్నట్లు.. ఇలాంటి ఆఫర్ వస్తే ఎవరు మాత్రం చేయరు.. అనేలా సమాధానం ఇచ్చినట్లు తెలుస్తోంది. దీంతో, అసలు ఎన్టీఆర్-నీల్ మూవీలో రుక్మిణి వాసంత్ నిజంగానే నటిస్తుందా.. లేక వినిపిస్తున్న వార్తలన్నీ పుకార్లేనా అనేది చిత్ర యూనిట్ క్లారిటీ ఇస్తే బాగుంటుందని అభిమానులు అభిప్రాయపడుతున్నారు.