రాజ రాజ చోర ఫేమ్ సునైన హీరోయిన్‌గా నటించిన లేటెస్ట్ క్రైమ్ థ్రిల్లర్ మూవీ రెజీనా..ఈ మూవీ డైరెక్ట్‌గా ఓటీటీ ద్వారా తెలుగు ప్రేక్షకుల ముందుకొచ్చింది.గురువారం అమెజాన్ ప్రైమ్‌లో ఈ మూవీ స్ట్రీమింగ్ కి వచ్చింది.ఎలాంటి ముందస్తు ప్రకటన లేకుండా సైలెంట్ గా ఈ మూవీని అమెజాన్ ప్రైమ్‌లో రిలీజ్ చేశారు.గత ఏడాది జూన్ 23న రెజీనా తమిళ వెర్షన్ థియేటర్లలో విడుదలైంది. తమిళంతో పాటు తెలుగు, కన్నడ మరియు మలయాళ భాషల్లో ఒకేసారి థియేటర్లలో రెజీనా సినిమాను రిలీజ్ చేయాలని మేకర్స్ భావించారు. తెలుగు ప్రమోషన్స్ ను కూడా భారీ స్థాయిలో నిర్వహించారు. జూన్ 23న పలు తెలుగు సినిమాలు రిలీజ్ కావడంతో రెజీనాకు అనుకున్న స్థాయిలో థియేటర్స్ లభించలేదు.దాంతో రెజినా తెలుగు రిలీజ్ డేట్‌ వాయిదాపడింది. తమిళంలో సినిమా డిజాస్టర్ కావడంతో ఆ తర్వాత తెలుగులో రెజీనాను రిలీజ్ చేసేందుకు డిస్ట్రిబ్యూటర్లు ఎవరు కూడా సాహసించలేదు..దాంతో రెజీనా తెలుగు వెర్షన్ నేరుగా ఓటీటీలో రిలీజైంది.
తమిళ వెర్షన్ థియేటర్లలో రిలీజైన ఎనిమిది నెలల తర్వాత తెలుగు వెర్షన్‌ను ప్రేక్షకుల ముందుకు వచ్చింది.రెజీనా మూవీకి మలయాళ ఫిల్మ్ మేకర్‌ డొమిన్ డిసిల్వా దర్శకత్వం వహించాడు. రివేంజ్ థ్రిల్లర్‌గా తెరకెక్కిన రెజీనా మూవీలో అనంత్ నాగ్ ముఖ్య పాత్ర పోషించాడు. ఇందులో కంప్లీట్‌గా యాక్షన్ ఓరియెంటెడ్ రోల్‌లో సునైన నటించింది.హీరోయిన్ సునైన ఈ మూవీలో ఛాలెంజింగ్ క్యారెక్టర్‌లో కనిపించింది. తన భర్త మరణంపై ఓ యువతి ఎలా ప్రతీకారం తీర్చుకున్నదనే పాయింట్‌తో దర్శకుడు రొమిన్ డిసిల్వా రెజీనా మూవీని తెరకెక్కించాడు. ఈ సినిమాలో సునైన నటనకు విమర్శకుల ప్రశంసలు దక్కాయి. కానీ కథలో కొత్తదనం లేకపోవడంతో ఈ సినిమా డిజాస్టర్‌గా నిలిచింది. రెజీనా తమిళ వెర్షన్ అమెజాన్ ప్రైమ్‌తో పాటు ఆహా ఓటీటీలో స్ట్రీమింగ్ అవుతోంది.
