BSF Recruitment 2025: స్పోర్ట్స్ ఆడేవారికి గోల్డెన్ ఛాన్స్.. బోర్డర్ సెక్యూరిటీ ఫోర్స్ లో కానిస్టేబుల్ జాబ్స్ రెడీ

స్పోర్ట్స్ ఆడేవారికి బోర్డర్ సెక్యూరిటీ ఫోర్స్ గుడ్ న్యూస్ అందించింది. బోర్డర్ సెక్యూరిటీ ఫోర్స్ (BSF) స్పోర్ట్స్ కోటా కింద ఖాళీగా ఉన్న కానిస్టేబుల్ (జనరల్ డ్యూటీ) పోస్టుల భర్తీకి రిక్రూట్‌మెంట్ నోటిఫికేషన్ ప్రకటించింది. అభ్యర్థి గుర్తింపు పొందిన బోర్డు నుండి మెట్రిక్యులేషన్ లేదా దానికి సమానమైన కోర్సులో ఉత్తీర్ణులై ఉండాలి. అభ్యర్థి సంబంధిత క్రీడలలో జాతీయ/అంతర్జాతీయ స్థాయిలో ప్రాతినిధ్యం వహించి ఉండాలి. అభ్యర్థులు కనీసం 18 సంవత్సరాలు, కనీసం 23 సంవత్సరాలు వయస్సు కలిగి ఉండాలి. అయితే, రిజర్వ్డ్ కేటగిరీలకు చెందిన అభ్యర్థులకు నిబంధనల ప్రకారం వయో సడలింపు ఉంటుంది. 2025 ఆగస్టు 1ని దృష్టిలో ఉంచుకుని వయస్సును లెక్కిస్తారు.

Also Read:Donald Trump: ట్రంప్‌కు ఇజ్రాయెల్ పార్లమెంట్‌లో స్టాండింగ్ ఒవేషన్.. ఇజ్రాయెల్ అత్యున్నత పౌర పురస్కారంతో సత్కారం

పురుష అభ్యర్థులకు కనీస ఎత్తు 170 సెం.మీ ఉండాలి. మహిళా అభ్యర్థులకు గరిష్ట ఎత్తు 157 సెం.మీ ఉండాలి. పురుష అభ్యర్థుల ఛాతీ కొలత కనీసం 80 సెం.మీ వ్యాకోచం లేకుండా, 85 సెం.మీ వ్యాకోచంతో ఉండాలి. దరఖాస్తు చేసుకున్న అభ్యర్థులను మెరిట్ ఆధారంగా షార్ట్‌లిస్ట్ చేసి, డాక్యుమెంట్ వెరిఫికేషన్, ఫిజికల్ స్టాండర్డ్ టెస్ట్ (PST), డిటైల్డ్ మెడికల్ ఎగ్జామినేషన్ (DME) కు ఆహ్వానిస్తారు. జనరల్, OBC అభ్యర్థులు రూ. 159 రుసుము చెల్లించాలి. SC/ST వర్గాల అభ్యర్థులకు దరఖాస్తు ఫీజు నుంచి మినహాయింపు కల్పించారు. దరఖాస్తు ప్రక్రియ అక్టోబర్ 16న ప్రారంభమవుతుంది. అర్హత, ఆసక్తి ఉన్నవారు నవంబర్ 4 వరకు ఆన్ లైన్ విధానంలో దరఖాస్తు చేసుకోవచ్చు. పూర్తి సమాచారం కోసం ఈ లింక్ పై క్లిక్ చేయండి.