RCB vs CSK: ఆర్​సీబీకి ‘చెపాక్​’ కష్టాలు.. మరి ఈసారి ఎలాగో..?

క్రికెట్​ లవర్స్​ ఐపీఎల్​ 2024 ఎప్పుడెప్పుడు మొదలవుతుందా అన్న నిరీక్షణకు కేవలం కొద్ది గంటల్లో తెరపడనుంది. ఇక మొదటి​ మ్యాచ్ ​లోనే చెన్నై సూపర్​ కింగ్స్​, రాయల్​ ఛాలెంజర్స్​ బెంగళూరు ఆడుతుండడంతో హై- ఓల్టేజ్​ యాక్షన్​ తప్పదని ఐపీఎల్​ అభిమానులు భావిస్తున్నారు. ఇక ఇప్పటివరకు ఐపీఎల్​ మొత్తంలో 31 సార్లు సీఎస్​కే – ఆర్​సీబీలు తలపడగా అందులో.. సీఎస్​కే 20సార్లు గెలవగా.. ఆర్​సీబీ 10 సార్లు విజయం సాధించింది. ఒకసారి ఫలితం రాలేదు.

ఇక 2023 ఐపీఎల్​ సీజన్ ​లో చిన్నస్వామి స్టేడియం లో జరిగిన సీఎస్​కే వర్సెస్​ ఆర్​సీబీ మ్యాచ్ ​లో సీఎస్​కే 8 పరుగుల తేడాతో విజయం సాధించింది. ఇక.. ఆర్​సీబీకి ‘చెపాక్​ స్టేడియం’ కలిసి రాలేదని చూపొచ్చు. దీనికి కారణం స్టాట్స్​ చూస్తే.. 2008లో జరిగిన తొలి మ్యాచ్ ​లో సీఎస్​కే పై ఆర్​సీబీ గెలిచింది. అయితే ఆ తర్వాత నుంచి ఇప్పటి వరకు 7-1 తేడాతో ఆర్​సీబీ ఓటమిపాలైంది. 2008లో సీఎస్​కే వర్సెస్​ ఆర్​సీబీ మ్యాచ్ ​లో లో- స్కోరింగ్​ మ్యాచ్​లో సీఎస్​కే పై ఆర్​సీబీ14 పరుగుల తేడాతో గెలిచింది. ఆ మ్యాచ్ లో ఆర్​సీబీ 126 పరుగులు చేయగా.. సీఎస్కే కేవలం 112 పరుగులకే పరిమతి కావడంతో ఓడిపోయింది.

Also read: Operation Valentaine OTT: సైలెంట్ గా ఓటీటీలోకి వచ్చేసిన వరుణ్ మూవీ .. స్ట్రీమింగ్ ఎక్కడంటే ?

ఇక ఐపీఎల్​ 2019 మొదటి​ మ్యాచ్ ​లోనే సీఎస్​కే- ఆర్​సీబీలు తలపడ్డాయి. కాకపోతే ఆనాటి మ్యాచ్ ​ని ఆర్​సీబీ గుర్తుతెచ్చుకోకూడదని అనుకుంటుంది. ఎందుకంటే 17.4 ఓవర్లు మాత్రమే ఆడి ఆర్​సీబీ.. కేవలం 70 పరుగులకు ఆలౌట్​ అయ్యింది. ఆ మ్యాచ్ ను సీఎస్​కే.. 7 వికెట్ల తేడాతో విజయం సాధించింది. ఇక ఆ తర్వాత 2012 సీజన్ ​లో ‘చెపాక్​ జింక్స్​’ పేరుకి ఆర్​సీబీ దాదాపు ముగింపు పలికింది అనుకున్నారు. ఆ మ్యాచ్ లో క్రిస్​ గేల్​, విరాట్​ కోహ్లీ అద్భుత బ్యాటింగ్​తో 20 ఓవర్లలో 205 పరుగులు చేసింది ఆర్​సీబీ. సీఎస్​కే బ్యాటింగ్​ చూస్తే.., ఓటమి ఖాయం అని అనుకున్న సమయంలో 12 బాల్స్​లో 43 పరుగులు కొట్టాల్సి ఉండగా.. విరాట్​ కోహ్లీ బౌలింగ్​ వేశాడు. కేవలం ఆ ఒక్క ఓవర్ ​లో 28 పరుగులు చేశాడు ఆల్బీ మార్కెల్​. దాంతో ఒక్క ఓవర్ ​లో 15 పరుగులు చేయాల్సి వచ్చింది. ఆ పనిని జడేజా, డ్వైన్​ బ్రోవోలు ముగించారు.