మెగాపవర్ స్టార్,గ్లోబల్ స్టార్ రామ్ చరణ్ సినిమాల లైనప్ మాములుగా లేదు.. ప్రస్తుతం శంకర్ దర్శకత్వంలో గేమ్ చేంజర్ సినిమా చేస్తున్నాడు.. ఆ సినిమా షూటింగ్ దాదాపుగా పూర్తి కావొస్తుంది.. ఇప్పుడు ఉప్పెన డైరెక్టర్ బుచ్చిబాబు తో మరో సినిమాను చేయబోతున్నాడు.. ఈ సినిమా లాంచ్ కోసం ఫ్యాన్స్ ఎప్పటినుంచో వెయిట్ చేస్తున్నారు.. తాజాగా ఆ సినిమా పూజా కార్యక్రమం మొదలు కాబోతుందని వార్తలు వినిపిస్తున్నాయి..
ఇక RC16 వర్కింగ్ టైటిల్ తో ఈ సినిమాని ప్రకటించారు. వృద్ధి సినిమాస్, మైత్రి మూవీ మేకర్స్, సుకుమార్ రైటింగ్స్.. నిర్మాణంలో ఉత్తరాంధ్ర బ్యాక్ డ్రాప్ లో ఈ సినిమాని భారీగా నిర్మించబోతున్నారు.. ఈ సినిమాకు ఆస్కార్ విజేత ఏఆర్ రెహమాన్ సంగీతాన్ని అందిస్తున్నారు.. ఇక బాలీవుడ్ బ్యూటీ జాన్వీ కపూర్ హీరోయిన్ గా నటించబోతున్నట్లు ఎప్పుడో ప్రకటించారు.. ఇటీవల ఈ సినిమా టైటిల్ పెద్ది అంటూ వార్తలు వినిపించాయి.. కానీ అది కాదని ఈనెల 20 న టైటిల్ ని రివిల్ చెయ్యనున్నట్లు సమాచారం.. ఇప్పటికి సినిమా ప్రీ ప్రొడక్షన్ పనులు మొదలైన సంగతి తెలిసిందే..
ఇదిలా ఉండగా.. ఈ సినిమాను పూజా కార్యక్రమాలతో రేపే ప్రారంభించబోతున్నట్లు తెలుస్తుంది.. హైదరాబాద్ లోని ఓ ప్రైవేట్ హోటల్ లో ఘనంగా జరగబోతుందని సమాచారం. ఈ కార్యక్రమానికి చిత్ర యూనిట్ మొత్తం హాజరుకానున్నారు.. అంతేకాదు ముఖ్య అతిధిగా చిరంజీవి రాబోతున్నట్లు ఫిలిం ఇండస్ట్రీలో వార్తలు వినిపిస్తున్నాయి.. ఇక గత కొన్ని రోజులుగా గేమ్ చేంజర్ సినిమా షూటింగ్ లో బిజీగా ఉన్నారు రామ్ చరణ్.. ఈ ఏడాదిలోనే సినిమా విడుదలకు ముహూర్తం ఫిక్స్ చేశారు..
