RBI Repo Rate: ఆర్థిక వృద్ధిని పెంచేందుకు డిసెంబర్‌లో రిజర్వ్ బ్యాంక్ ఆఫ్ ఇండియా (ఆర్‌బీఐ) కీలక పాలసీ రెపో రేటును 25 బేసిస్ పాయింట్లు తగ్గించి 6.25 శాతానికి తగ్గించవచ్చని సమాచారం. రానున్న రోజుల్లో ద్రవ్యోల్బణం ఓ మోస్తరుగా ఉంటుందని అంచనా వేస్తున్నారు బ్యాంకు అధికారులు. సెప్టెంబర్‌లో ద్రవ్యోల్బణం 5.49 శాతానికి పెరిగింది. అయితే ప్రస్తుత త్రైమాసికంలో ఇది 4.9 శాతానికి పడిపోవచ్చని అంచనా వేస్తున్నారు. జనవరి-మార్చి త్రైమాసికంలో ద్రవ్యోల్బణం 4.6 శాతానికి తగ్గవచ్చని నివేదిక పేర్కొంది. దీంతో ఆర్‌బీఐ రేట్లను తగ్గించే వీలుంది.
Read Also: ChatGPT Search Engine: గూగుల్‌కు చెక్ పెట్టేందుకు చాట్‌జీపీటీ సెర్చ్‌ఇంజిన్‌ రెడీ..
ద్రవ్యోల్బణం, వృద్ధి మధ్య సమతుల్యత “బాగా దెబ్బతింది” అని ఆర్‌బిఐ గవర్నర్ శక్తికాంత దాస్ అన్నారు. వచ్చే త్రైమాసికంలో ద్రవ్యోల్బణం తగ్గుతుందని ఆయన ఆశిస్తున్నట్లు ఓ మీడియాతో తెలిపారు. ద్రవ్య విధాన కమిటీ సమావేశంలో, ఆర్‌బిఐ తన వైఖరిని మునుపటి నుండి అనుకూల వైఖరికి తటస్థంగా మార్చుకుంది. ఇప్పుడు, ఆర్థికవేత్తలు వృద్ధిలో కనిష్ట మందగమనాన్ని అంచనా వేస్తున్నారని, అందువల్ల రేటు తగ్గింపు అవకాశం ఉందని ఆయన ఈ సందర్బంగా తెలిపారు.
Read Also: Vikkatakavi : తెలుగు, తమిళ భాషల్లో ఓటీటీ లో రిలీజ్ కానున్న‘వికటకవి’
అయితే, ఓ సర్వే ప్రకారం 57 మంది ఆర్థికవేత్తలలో 30 మంది మెజారిటీ తదుపరి ద్రవ్య విధాన సమావేశంలో రెపో రేటులో 25 బేసిస్ పాయింట్లను 6.25 శాతానికి తగ్గించాలని భావిస్తున్నారు. మిగిలిన వారు రేటులో ఎటువంటి మార్పును సూచించలేదు. భారత్ అత్యంత వేగంగా అభివృద్ధి చెందుతున్న ఆర్థిక వ్యవస్థగా అవతరిస్తుందని అంచనా వేస్తున్నారు. అయితే, 2023-24 ఆర్థిక సంవత్సరంలో వృద్ధి అంచనా 8.2 శాతం నుంచి ప్రస్తుత ఆర్థిక సంవత్సరంలో 6.9 శాతానికి, వచ్చే ఏడాది 6.7 శాతానికి తగ్గింది. ఆర్‌బీఐ అంచనా వేసిన 7.2, 7.1 శాతం కంటే ఇది చాలా తక్కువ.