Digital Payments: దేశంలో భారీగా పెరిగిన డిజిటల్ చెల్లింపులు.. 13.24శాతం మేర వృద్ధి

Digital Payments: దేశంలో డిజిటల్ చెల్లింపుల ట్రెండ్ విపరీతంగా పెరుగుతోంది. భారతీయ రిజర్వ్ బ్యాంక్ విడుదల చేసిన గణాంకాలు ఈ విషయానికి బలం చేకూరుస్తున్నాయి. మార్చి 2023తో ముగిసిన సంవత్సరంలో దేశంలో డిజిటల్ చెల్లింపులు మంచి వృద్ధిని కనబరిచాయి. దాదాపు 13.24 శాతం పెరిగాయి. దేశంలోని ఆన్‌లైన్ లావాదేవీల డేటా ఆధారంగా RBI ఈ డేటాను అందించింది. RBI డిజిటల్ పేమెంట్ ఇండెక్స్ (RBI-DPI) మార్చి 2023లో 395.97 వద్ద ఉంది. ఇది గతేడాది మార్చి 2022లో 349.30 వద్ద ఉంది. సెప్టెంబర్ 2022లో ఇది 377.46 వద్ద ఉంది.

Read Also:Dhanush: మిస్టర్ ధనుష్… కీప్ ఎంటర్టైనింగ్ అస్… 

RBI-DPI ఇండెక్స్‌లో ఈ పెరుగుదల దేశవ్యాప్తంగా చెల్లింపు మౌలిక సదుపాయాలు, చెల్లింపు పనితీరు మంచి వృద్ధి, వేగాన్ని చూపుతుందని RBI ఒక ప్రకటన విడుదల చేసింది. మార్చి 2018లో దేశంలోని డిజిటలైజేషన్ గణాంకాలను లెక్కించేందుకు ఈ (RBI-DPI) సూచికను రూపొందించాలని RBI నిర్ణయించింది. డిజిటల్ చెల్లింపుల పరంగా దేశం నిరంతరం కొత్త మైలురాళ్లను తాకుతోంది. ప్రపంచంలోని అనేక దేశాలతో పోలిస్తే భారతదేశంలో ఆన్‌లైన్ లావాదేవీలు చాలా వేగంగా అభివృద్ధి చెందాయి.

Read Also:China Condom: క్షీణించిన చైనా ఆర్థిక వ్యవస్థ.. ఊపందుకున్న కండోమ్స్ అమ్మకాలు

ఈ (RBI-DPI)ఇండెక్స్‌లో దేశంలోని ఆన్‌లైన్ లేదా డిజిటల్ చెల్లింపు డేటా ఐదు ప్రధాన పారామితుల ఆధారంగా కొలుస్తారు. దేశంలో ఎలాంటి ఆన్‌లైన్ చెల్లింపులు పెరుగుతున్నాయి లేదా ప్రజలు ఎలాంటి డిజిటల్ లావాదేవీలపై ఆసక్తి చూపుతున్నారు. ఇవన్నీ ఈ సూచికలో లెక్కించబడ్డాయి. దీని ఆధారంగా దేశంలో వివిధ కాలాల్లో డిజిటల్ చెల్లింపులు ఏ విధంగా విస్తరిస్తున్నాయన్న పురోగతి కూడా తెలిసిపోతుంది. ఈ (RBI-DPI) సూచిక సంవత్సరానికి రెండుసార్లు ప్రచురించబడుతుంది. ఆరు నెలల విరామంలో కనిపిస్తుంది. మార్చి 2021 నుండి ఇది నాలుగు నెలలు వెనుకబడి ఉంది.