Ravanasura: మాస్ మహారాజా రవితేజ ధమాకాతో బ్లాక్ బస్టర్ సాధించాడు. అభిమానులు ఇప్పుడు రవితేజ రాబోయే ప్రాజెక్ట్ల కోసం ఆసక్తిగా ఎదురుచూస్తున్నారు. అందులో ‘రావణాసుర’ ఒకటి కావడం గమనార్హం. మాస్ మహారాజా నటిస్తోన్న చిత్రాల్లో ఒకటి రావణాసుర. యూనిక్ థ్రిల్లర్ జోనర్లో తెరకెక్కుతున్న ఈ చిత్రాన్ని సుధీర్ వర్మ డైరెక్ట్ చేస్తున్నాడు. రవితేజ పుట్టినరోజు సందర్భంగా నేడు స్పెషల్ గిఫ్ట్ అందించేందుకు మేకర్స్ ప్లాన్ చేశారు.
లేటెస్ట్ న్యూస్ ఏంటంటే.. రావణాసురుడు పోస్ట్ థియేట్రికల్ రైట్స్ జీ నెట్వర్క్కి భారీ ధరకు అమ్ముడయ్యాయి. డిజిటల్ స్ట్రీమింగ్ హక్కులు జీ5 వద్ద ఉండగా, శాటిలైట్ హక్కులను జీ తెలుగు సొంతం చేసుకుంది. సుధీర్ వర్మ దర్శకత్వం వహించిన ఈ చిత్రంలో అను ఇమ్మాన్యుయేల్, పూజిత పొన్నాడ, దక్ష నగర్కర్, ఫరియా అబ్దుల్లా, మేఘా ఆకాష్ కథానాయికలుగా నటించారు. సుశాంత్ ప్రతినాయకుడు కాగా, రావు రమేష్, మురళీ శర్మ, సంపత్ రాజ్, నితిన్ మెహతా తదితరులు సహాయక పాత్రల్లో కనిపించనున్నారు.
Hero Raviteja Birthday: ‘ధమాకా’ చూపించిన మాస్ మహరాజా!
అభిషేక్ పిక్చర్స్, ఆర్టీ టీమ్వర్క్స్ నిర్మించిన ఈ చిత్రం ఏప్రిల్ 7, 2023న విడుదల కానుంది, దీనికి హర్షవర్దన్ రామేశ్వర్, భీమ్స్ సిసిరోలియో సంగీతం అందించారు. రవితేజ మరోవైపు పాన్ ఇండియా ప్రాజెక్టు టైగర్ నాగేశ్వర్ రావులో కూడా నటిస్తున్నాడు. ఇటీవలే షూటింగ్కు సంబంధించిన అప్డేట్ కూడా బయటకు వచ్చింది.