Rashmika-Mysa: ‘మైసా’ షూటింగ్ అప్డేట్ అదిరిపోయింది..!
శ్రీవల్లిగా తెలుగు ప్రేక్షకుల మనసు దోచుకున్న రష్మిక మందన్న, ఇప్పుడు తనలోని అసలైన యాక్షన్ యాంగిల్ను బయటకు తీస్తోంది. రవీంద్ర పుల్లె దర్శకత్వంలో రూపొందుతున్న ‘మైసా’ చిత్రంలో రష్మిక ఒక గోండు గిరిజన యువతిగా నటిస్తోంది. ఈ పాత్ర కోసం ఆమె గత కొన్నాళ్లుగా ప్రత్యేక శిక్షణ తీసుకుంటోంది. అయితే తాజాగా ఈ చిత్రానికి సంబంధించిన ఒక క్రేజీ అప్డేట్ ఫిలిం నగర్ వర్గాల్లో చక్కర్లు కొడుతోంది.
ఈ సినిమాలోని యాక్షన్ సన్నివేశాలు అత్యంత సహజంగా, గూస్బంప్స్ తెప్పించేలా ఉండాలని దర్శకుడు ప్లాన్ చేశారు. అందుకోసం రష్మిక బ్యాంకాక్ వెళ్లి మరీ ప్రముఖ యాక్షన్ డైరెక్టర్ ఆండి లాంగ్ పర్యవేక్షణలో యుద్ధ విద్యల్లో మెళకువలు నేర్చుకుంది. ప్రస్తుతం కేరళలోని దట్టమైన అడవుల్లో ఈ పోరాట ఘట్టాలను చిత్రీకరిస్తున్నారు. ప్రముఖ యాక్షన్ కొరియోగ్రాఫర్ కేచా నేతృత్వంలో సుమారు 15 రోజుల పాటు ఈ భారీ యాక్షన్ షెడ్యూల్ జరగనుంది. కాగా రష్మిక మేకోవర్ గిరిజన యువతిగా చాలా రా (Raw) గా, ఇంటెన్స్గా ఉండబోతోందని సమాచారం.
ముఖ్యంగా హై-వోల్టేజ్ యాక్షన్ సీన్స్ కేవలం డూప్లతో కాకుండా రష్మిక స్వయంగా చేస్తోందట. ఈ సీక్వెన్స్ సినిమాకే ప్రధాన ఆకర్షణగా నిలవనున్నాయి. అందుకే అన్ఫార్ములా ఫిల్మ్స్ సంస్థ ఈ చిత్రాన్ని ఎక్కడా రాజీ పడకుండా భారీ బడ్జెట్తో నిర్మిస్తోంది. మనం ముందునుండి కూడా రష్మికను లవ్ స్టోరీస్, ఫ్యామిలీ డ్రామాల్లో ఎక్కువగా చూశాం. కానీ ‘మైసా’ ఆమెలోని నటిని కొత్తగా ఆవిష్కరించబోతోంది. కేరళ షెడ్యూల్లో చిత్రీకరిస్తున్న ఈ గాఢతతో కూడిన సన్నివేశాలు ప్రేక్షకులకు సరికొత్త అనుభూతిని ఇస్తాయని చిత్రబృందం ధీమా వ్యక్తం చేస్తోంది. ‘పుష్ప 2’ తర్వాత రష్మిక నుంచి రాబోతున్న మరో భారీ ప్రాజెక్ట్ కావడంతో దీనిపై అంచనాలు భారీగా ఉన్నాయి.