RGV Reviews Dhurandhar 2 after early watch: తెలుగు, హిందీ చిత్ర పరిశ్రమలో విప్లవాత్మక మార్పులు తెచ్చిన ప్రముఖ దర్శకుడు రామ్ గోపాల్ వర్మ (RGV) తాజాగా ‘ధురందర్: ది రివెంజ్’ రివ్యూ చెప్పారు. ఈ సినిమా భారీ విజయం సాధిస్తుందని అంచనా వేస్తూ తన అభిప్రాయాన్ని పంచుకున్నారు. మంగళవారం రాత్రి ఆ సినిమాను చూసినట్లు వెల్లడించారు. దాని సినిమాటిక్ వ్యాకరణాన్ని ప్రశంసిస్తూ.. “కొత్త సినిమా శకానికి నాంది” (New Cinematic Order) అని అభివర్ణించారు. రణవీర్ సింగ్ ప్రధాన పాత్రలో ఆదిత్య ధర్ దర్శకత్వం వహించిన ఈ చిత్రంపై వర్మ భారీ అంచనాలు ఉన్న విషయం తెలిసిందే. ఈ సినిమా ధాటికి ‘షోలే’, ‘మొఘల్-ఎ-ఆజం’ వంటి ఆల్టైమ్ క్లాసిక్ సినిమాలు టీవీ సీరియల్స్లా కనిపిస్తాయని సంచలన వ్యాఖ్యలు చేశారు. ఆ సినిమాల కంటే వంద రెట్లు ఎక్కువ ప్రభావం ఈ చిత్రం చూపుతుందని, బాక్సాఫీస్ కలెక్షన్లు, ఆడియన్స్ క్రేజ్ విషయంలో సరికొత్త రికార్డులు సృష్టిస్తుందని ధీమా వ్యక్తం చేశారు. దర్శకుడు ఆదిత్య ధర్ను ఆకాశానికెత్తేస్తూ.. ఇకపై ‘డైరెక్టర్’ అనే పదానికి స్పెల్లింగ్ ఆయన పేరుతోనే మొదలవుతుందని వర్మ కొనియాడారు. హాలీవుడ్ దిగ్గజాలైన స్టీవెన్ స్పీల్బర్గ్, క్రిస్టోఫర్ నోలన్ వంటి డైరెక్టర్లు తాము చేస్తున్న పనులన్నీ వదిలేసి ధురంధర్-2 సినిమా చూడాలని సూచించారు.
READ MORE: Ganja Smuggling: గంజాయి కేటుగాళ్లుగా కానిస్టేబుల్స్.. విశాఖలో ఐదుగురు అరెస్ట్!
“నిన్న రాత్రి #Dhurandhar2 ను చూశాను. అన్ని కోణాల్లో సినిమా అద్భుతంగా ఉంది. ఆశించిన వసూళ్లు సాధిస్తుంది. ప్రేక్షకుల పరవశం, సామాజిక ప్రభావం, సినిమాటిక్ గ్రామర్ను బద్దలు కొట్టడం లేదా అన్నింటికీ మించి ఆ సినిమా సైకలాజికల్ ఆడియో విజువల్ ఇంపాక్ట్ ప్రభావం చూపుతుంది.. ఇది ఖచ్చితంగా ‘షోలే’ కంటే 100 రెట్లు ఎక్కువ ఘనత సాధిస్తుంది. మొఘల్-ఎ-ఆజమ్ నుంచి మొదలుకొని ఇప్పటివరకు వచ్చిన గొప్ప చిత్రాలన్నింటి సరసన చేరడం ఖాయం. ఇక మొఘల్-ఎ-అజం వంటి గొప్ప క్లాసిక్ చిత్రాలన్నీ ‘ధురంధర్ 2’ ముందు కేవలం టీవీ సీరియల్స్ లా కనిపిస్తాయి. ఇది సరికొత్త సినిమాటిక్ ఆర్డర్కు పునాది. గతంలో ఉన్న సినిమా ప్రపంచాన్ని ఈ చిత్రం కనుమరుగు చేస్తుంది. ఇకపై ‘డైరెక్టర్’ (DIRECTOR) అనే పదానికి స్పెల్లింగ్ ఆదిత్య ధర్ (@adityadharfilms) పేరుతోనే మొదలవుతుంది. చివరికి స్టీవెన్ స్పీల్బర్గ్, క్రిస్టోఫర్ నోలన్ సైతం తాము చేస్తున్న పనులన్నీ పక్కన పెట్టి మరీ #Dhurandhar2 ఫస్ట్ డే ఫస్ట్ షో చూడటం వారికి ఎంతో వివేకవంతమైన పని అవుతుంది.” అని ట్వీట్లో రామ్గోపాల్ వర్మ పేర్కొన్నారు.
READ MORE: Taurus Horoscope: ఖర్చులు అదుపులో ఉంచుకోవాల్సిందే.. వృషభ రాశి వారికి కొత్త ఏడాది ఎలా ఉండబోతుందంటే..!