Mega Twins : రామ్ చరణ్ ఉపాసనల ట్వీన్స్ పేర్లు ఇవే.. స్వయంగా వెల్లడించిన రామ్ చరణ్

మెగా కుటుంబంలో ఇప్పుడు పండగ వాతావరణం నెలకొంది. గ్లోబల్ స్టార్ రామ్ చరణ్ మరియు ఉపాసన కొణిదెల దంపతులు ఇటీవల ట్విన్స్ కు జన్మనిచ్చిన సంగతి తెలిసిందే. వారసుడు పుట్టడంతో మెగా ఇంట సంబరాలు అంబరాన్నితాకాయి. తాజాగా తన ముద్దుల కవలల పేర్లను పరిచయం చేశారు రామ్ చరణ్. బాబుకి శివరామ్ కొణిదెల అని, పాపకి అన్వీరా దేవి కొణిదెల అని నామకరణం చేశారు. ఈ విషయాన్ని ఇటీవల ఓ హాలీవుడ్ మీడియాతో మాట్లాడుతూ వెల్లడించారు రామ్ చరణ్. ఇప్పటికే వీరికి క్లిన్ కారా అనే కుమార్తె ఉన్న సంగతి తెలిసిందే.

ఈ పేర్ల ఎంపికలో రామ్ చరణ్ దంపతులు తమ ఆధ్యాత్మిక నిర్ణయమని పేర్కొన్నారు.
శివరామ్ : ఈ పేరులో శివుడు మరియు రాముడు ఇద్దరి శక్తులు దాగి ఉన్నాయి. అంతేకాకుండా, మెగాస్టార్ చిరంజీవి అసలు పేరు ‘శివశంకర వరప్రసాద్’ తండ్రిపై ఉన్న ప్రేమతో ఆయన పేరులోని శివ ఉండేలా అలాగే తన పేరు కలిసేలా బాబుకి శివరామ్ అనే పేరు పెట్టారట.
అన్వీరా దేవి : ‘అన్వీరా’ అంటే అంతులేని ధైర్యం కలది అని అర్థం. ఒక వైపు శక్తివంతమైన ధైర్యం, మరోవైపు దైవికమైన కరుణను సూచించేలా ‘దేవి’ అమ్మవారి పేరు కలిసి ఉండేలా అన్విరా అని పెట్టారట.
ఈ వార్తతో సోషల్ మీడియాలో మెగా అభిమానులు శుభాకాంక్షలతో హోరెత్తిస్తున్నారు.