Die Hard Fan: బేబమ్మగా షకలక శంకర్..! కృష్ణకాంత్‌గా రాజీవ్ కనకాల..!!

అభిరామ్.ఎం దర్శకత్వంలో ప్రియాంక శర్మ కీలక పాత్రను పోషిస్తున్న చిత్రం ‘డై హార్డ్ ఫ్యాన్’. సెలెబ్రిటీకీ – అభిమానికి మధ్య జరిగే సస్పెన్స్ కామెడీ డ్రామానే ఈ చిత్రకథాంశం. ఇందులో సెలబ్రిటీగా ప్రియాంక శర్మ నటిస్తుంటే, ఆమె అభిమాని పాత్రను శివ ఆలపాటి పోషిస్తున్నారు. ఈ ఇద్దరి మధ్య సాగే డ్రామా ఆసక్తికరంగా ఉంటుంది. తాజాగా ఈ చిత్రంలో కీలక పాత్రలు పోషిస్తున్న షకలక శంకర్, రాజీవ్ కనకాల ఫస్‌ లుక్ పోస్టర్స్ ను చిత్ర బృందం విడుదల చేసింది.

బేబమ్మ పాత్రలో షకలక శంకర్, కృష్ణ కాంత్ పాత్రలో రాజీవ్ కనకాల కనిపించబోతున్నారు. ఇప్పటికే షూటింగ్ పూర్తి చేసుకున్న ఈ మూవీ పోస్ట్ ప్రొడక్షన్ కార్యక్రమాలు జరుపుకుంటోంది. మధు పొన్నాస్ సంగీతం అందిస్తున్న ‘డై హార్డ్ ఫ్యాన్’కు సయ్యద్ తేజుద్దీన్ మాటలు రాస్తున్నారు. సినిమాకు సంబంధించిన మరిన్ని వివరాలు త్వరలోనే తెలియనున్నాయి.