రాయల్ ఛాలెంజర్స్ బెంగళూరు నిన్న ( ఆదివారం ) రాజస్థాన్ రాయల్స్‌తో జైపూర్‌లోని సవాయ్ మాన్‌సింగ్ స్టేడియంలో తలపడింది. ఈ మ్యాచ్‌లో ఆర్సీబీ 112 పరుగుల తేడాతో అద్భుత విజయాన్ని అందుకుంది. ఈ విజయం తర్వాత RCB వెటరన్ బ్యాట్స్‌మెన్ విరాట్ కోహ్లీ రాజస్థాన్ టీమ్ పై షాకింక్ కామెంట్స్ చేశాడు. నేను బౌలింగ్ చేసి ఉంటే రాజస్థాన్ వాళ్లు 40 పరుగులకే ఆలౌట్ అయ్యేవారంటూ ఆసక్తికర వ్యాఖ్యలు చేశాడు. ఆర్సీబీ, రాజస్థాన్ జట్ల మధ్య జరిగిన ఈ మ్యాచ్‌లో 172 పరుగుల లక్ష్యంతో బరిలోకి దిగిన రాజస్థాన్ టీమ్ కేవలం 10.3 ఓవర్లలో 59 పరుగులకు ఆలౌటైంది. ఇది ఐపీఎల్‌లో రాజస్థాన్‌కు రెండో అత్యల్ప స్కోరు కాగా, ఐపీఎల్‌ హిస్టరీలో మూడో అత్యల్ప స్కోరుగా రికార్డ్ లోకి ఎక్కింది.
Also Read : SRH vs GT: టాస్ గెలిచి ఫీల్డింగ్ ఎంపిక చేసుకున్న ఎస్ఆర్‌హెచ్
మ్యాచ్ తర్వాత RCB షేర్ చేసిన వీడియోలో, విరాట్ కోహ్లీ మాట్లాడుతూ.. “నేను బౌలింగ్ చేసి ఉంటే రాజస్థాన్ రాయల్పస్ ప్లేయర్స్ 40 పరుగులకే ఆలౌట్ అయ్యేవారు అంటూ కామెంట్స్ చేశాడు. మ్యాచ్‌లో RCB బౌలర్లు అద్భుతమైన బౌలింగ్ వేశారు. జట్టు తరపున ఫాస్ట్ బౌలర్ వేన్ పార్నెల్ 3 ఓవర్లలో 10 పరుగులిచ్చి కీలకమైన 3 వికెట్లు పడగొట్టాడు. దీంతో పాటు మైకేల్ బ్రేస్‌వెల్, కర్ణ్ శర్మ తలో 2 వికెట్లు తీశారు. బ్రేస్‌వెల్ 3 ఓవర్లలో 16 పరుగులు ఇవ్వగా.. కర్ణ్ శర్మ 1.3 ఓవర్లలో 19 పరుగులు ఇచ్చాడు. మరోవైపు స్టార్ ఫాస్ట్ బౌలర్ మహ్మద్ సిరాజ్ 2 ఓవర్లలో 10 పరుగులిచ్చి 1 వికెట్, గ్లెన్ మాక్స్ వెల్ 1 ఓవర్లో 3 పరుగులిచ్చి 1 వికెట్ తీసుకున్నారు.
Also Read : Akhil Akkineni : ఏజెంట్ సినిమా రిజల్ట్‌పై స్పందించిన అఖిల్ అక్కినేని
రాజస్థాన్ రాయల్స్‌తో జరిగిన మ్యాచ్‌లో ఆర్సీబీ విజయం సాధించి ప్లేఆఫ్ ఆశలను సజీవం చేసుకుంది. ఈ మ్యాచ్‌లో బెంగళూరు టీమ్ ఓడి ఉంటే ఆ జట్టు ప్లేఆఫ్ రేసు నుంచి నిష్క్రమించేది. ఈ విజయం తర్వాత ఆ జట్టు 12 మ్యాచ్‌ల్లో 12 పాయింట్లు సాధించింది. ఇప్పుడు ఆ జట్టు మిగిలిన రెండు మ్యాచ్‌ల్లోనూ గెలిస్తే.. ప్లేఆఫ్స్‌కు అర్హత సాధించే అవకాశం ఉంది. ఇక ఆర్సీబీ ఒక్క మ్యాచ్‌లో ఓడిపోతే టోర్నీ నుంచి ఎలిమినేట్‌ అవుతుంది.
Dressing Room Reactions RR v RCB
A near-perfect game, 2 points in the bag, positive NRR – that sums up the satisfying victory in Jaipur.
Parnell, Siraj, Maxwell, Bracewell and Anuj take us through the events that transpired and the road ahead.#PlayBold #ನಮ್ಮRCB #IPL2023 pic.twitter.com/cblwDrfVgd
— Royal Challengers Bangalore (@RCBTweets) May 15, 2023
