Raayan OTT: ఓటీటీలోకి ఎంట్రీ ఇచ్చిన ధనుష్ బ్లాక్ బస్టర్ మూవీ ‘రాయన్’.. ఎక్కడ చూడొచ్చంటే..?

Raayan In Amazon Prime Video: కాలీవుడ్ స్టార్ హీరో ధనుష్ తాజాగా ప్రేక్షకులను మెప్పించిన చిత్రం ‘రాయన్’. సొంత దర్శకత్వంలో నటించిన ధనుష్ ఫ్యామిలీ ఎమోషనల్ అండ్ రివెంజర్ డ్రామాగా సినిమాను తెరకెక్కించాడు. ఈ సినిమాలో టాలీవుడ్ యంగ్ హీరోలలో ఒకడైన సందీప్ కిషన్ ఓ కీలక పాత్రలో నటించి మెప్పించాడు. ఇక ‘రాయన్’ సినిమాలో ప్రముఖ నటులు ప్రకాష్ రాజ్, ఎస్ జె సూర్య, సెల్వ రాఘవన్, అపర్ణ బాలమురళి, కాళిదాసు జయరాం, వరలక్ష్మి శరత్ కుమార్, శరవన్, దిలీపన్, ఇలవరసు మొదలగు నటీ నటులు ముఖ్య పాత్రలు పోషించారు. సినిమాలో ధనుష్ చెల్లెలుగా దుర్గ పాత్రలో దుషార విజయన్ పాత్ర సినిమాకి హైలెట్ గా నిలిచింది. ఇక ఈ సినిమాను కలానిది మారన్ సన్ పిక్చర్స్ బ్యానర్ పై భారీ బడ్జెట్ తో నిర్మించారు. సినిమా విడుదల కాకముందే ఈ సినిమాకు సంబంధించిన టీజర్స్, ట్రైలర్, పాటలు ఇలా అన్ని సినిమాపై భారీగా అంచనాలను ఏర్పరిచాయి. అంతేకాకుండా.. హీరో ధనుష్ తన సినీ కెరియర్ లో ఈ సినిమా 50వ సినిమా కావడంతో భారీ అంచనాలను క్రియేట్ చేస్తూ రిలీజ్ అయింది.

Garlic on an Empty Stomach: ప్రతిరోజు పరగడుపున వెల్లుల్లి తింటే శరీరంలో ఇన్ని మార్పులు చూడొచ్చా..

జూలై 26న ప్రేక్షకుల ముందుకు వచ్చిన ‘రాయన్’ విడుదలైన ప్రతి చోట సూపర్ హిట్ టాక్ ను అందుకుంది. ఇక కేవలం తమిళంలో ఈ సినిమా 100 కోట్లకు పైగా వసూలను రాబట్టింది. ఇక టాలీవుడ్ లోను కూడా చెప్పుకోదగ్గ కలెక్షన్లను బాగానే వెనకేసుకుంది. థియేటర్లలో సూపర్ హిట్ గా నిలిచిన రాయన్ ప్రస్తుతం ఓటీటీ బాట పట్టింది. ఈ నేపథ్యంలోనే ప్రముఖ ఓటీటీ సంస్థ అమెజాన్ ప్రైమ్ లో ఆగస్టు 23 నుంచి ఈ సూపర్ హిట్ సినిమాను స్ట్రీమింగ్ చేస్తోంది. దీంతో శుక్రవారం అర్ధరాత్రి నుంచి సినిమా అమెజాన్ ప్రైమ్ వీడియోలో స్ట్రీమింగ్ కు రెడీ అయిపోయింది. రాయన్ సినిమా తెలుగు, తమిళ్, హిందీ, కన్నడ, మలయాళ భాషల్లో స్ట్రీమింగ్ అవుతోంది.