Citadel Season 2: యాక్షన్‌లోకి దిగిన ప్రియాంక చోప్రా.. ‘సిటాడెల్’ సీజన్ 2 రిలీజ్ డేట్ ఫిక్స్..

గ్లోబల్ స్టార్ ప్రియాంక చోప్రా జోనాస్, రిచర్డ్ మాడెన్ ప్రధాన పాత్రల్లో నటించిన యాక్షన్ ప్యాక్డ్ వెబ్ సిరీస్ ‘సిటాడెల్’. మొదటి సీజన్‌తోనే ప్రపంచవ్యాప్తంగా గుర్తింపు తెచ్చుకున్న ఈ సిరీస్, ఇప్పుడు రెండో సీజన్‌తో అలరించేందుకు సిద్ధమైంది. తాజాగా ఈ సిరీస్ మేకర్స్ సీజన్ 2 కు సంబంధించిన క్రేజీ అప్‌డేట్ ఇచ్చారు. ఎంతో కాలంగా ఎదురుచూస్తున్న ఈ సీజన్ మే 6, 2026 నుండి స్ట్రీమింగ్ కానున్నట్లు అధికారికంగా ప్రకటించారు.

Also Read : Mega 158: మెగాస్టార్‌కు విలన్‌గా డింపుల్ హయాతి?

రెండో సీజన్‌కు సంబంధించి విడుదలైన అధికారిక ట్రైలర్ సోషల్ మీడియాలో సెన్సేషన్ క్రియేట్ చేస్తోంది. “టైమ్ టు లెవల్ అప్” (Time to level up) అంటూ మేకర్స్ ఈ సీజన్లో యాక్షన్ డోస్ మరింత ఎక్కువగా ఉంటుందని హింట్ ఇచ్చారు. నాడియా సిన్హ్ పాత్రలో ప్రియాంక చోప్రా తన అదిరిపోయే స్టంట్స్‌తో మరోసారి మెప్పించబోతోంది. మేసన్ కేన్ (రిచర్డ్ మాడెన్), బెర్నార్డ్ ఓర్లిక్ (స్టాన్లీ టుక్కీ)తో కలిసి సరికొత్త మిషన్‌ను ఎలా ఎదుర్కొన్నారనేది ఈ సీజన్ కథాంశం. సిటాడెల్ సీజన్ 2 లో మొత్తం ఏడు ఎపిసోడ్లు ఉండబోతున్నాయి. విశయం ఏంటంటే, ఈ ఏడు ఎపిసోడ్లను మే 6వ తేదీన ఒకేసారి విడుదల చేయనున్నట్లు సమాచారం. ఈ సీజన్లో కొత్తగా జాక్ రేనర్, మ్యాట్ బెర్రీ వంటి హాలీవుడ్ నటులు చేరారు. రూసో బ్రదర్స్ నిర్మాణంలో రూపొందుతున్న ఈ సిరీస్ కోసం ఇండియన్ ఫ్యాన్స్ కూడా చాలా ఆసక్తిగా ఎదురుచూస్తున్నారు, ఎందుకంటే ప్రియాంక తన హాలీవుడ్ కెరీర్‌లో ఈ పాత్రతోనే అత్యధిక క్రేజ్ సంపాదించుకున్నారు.