Sarangapani Jathakam: శ్రీదేవి మూవీస్ పతాకంపై శివలెంక కృష్ణ ప్రసాద్ నిర్మిస్తున్న సినిమా ‘సారంగపాణి జాతకం’. మోహనకృష్ణ ఇంద్రగంటి సినిమాకు దర్శకత్వం వహిస్తున్నారు. సారంగపాణి జాతకం సినిమాలో ప్రియదర్శి హీరోగా నటిస్తుండగా.. ఆయన సరసన తెలుగమ్మాయి రూప కొడువాయూర్ కథానాయికగా నటిస్తున్నారు. డిసెంబర్ 20వ తేదీన ఈ సినిమా విడుదల చేస్తుండగా.. నవంబర్ 21, ఉదయం 11:12 లకి టీజర్ విడుదల చేస్తున్నట్లు నేడు చిత్ర బృందం తెలిపింది. ‘సమ్మోహనం’, ‘జెంటిల్‌మన్’ విజయాల తర్వాత మోహనకృష్ణ ఇంద్రగంటి, శివలెంక కృష్ణప్రసాద్ కలయికలో రూపొందుతున్న మరో సినిమా ఇది.
ఇక సినిమా నటీనటుల విషయానికి వస్తే.. ప్రియదర్శి పులికొండ, రూప కొడువాయూర్ లు జంటగా నటిస్తుండగా.. వీరితోపాటు నరేష్ విజయకృష్ణ, తనికెళ్ళ భరణి, శ్రీనివాస్ అవసరాల, ‘వెన్నెల’ కిశోర్, ‘వైవా’ హర్ష, శివన్నారాయణ, అశోక్ కుమార్, రాజా చెంబోలు, వడ్లమాని శ్రీనివాస్, ప్రదీప్ రుద్ర, రమేష్ రెడ్డి, కల్పలత, రూప లక్ష్మి, హర్షిణి, కె.ఎల్.కె, మణి, ‘ఐమ్యాక్స్’ వెంకట్ లు ఈ సినిమాలో నటిస్తున్నారు. ఈ చిత్రానికి మేకప్ చీఫ్ గా ఆర్.కె వ్యామజాల, కాస్ట్యూమ్ చీఫ్ గా ఎన్. మనోజ్ కుమార్, కాస్ట్యూమ్ డిజైనర్స్ గా రాజేష్ కామర్సు తోపాటు అశ్విన్, పీఆర్వోగా పులగం చిన్నారాయణ, ప్రొడక్షన్ ఎగ్జిక్యూటివ్స్ లు కె. రామాంజనేయులు (అంజి బాబు), పి రషీద్ అహ్మద్ ఖాన్, కో డైరెక్టర్ గా కోట సురేష్ కుమార్ గా పనిచేస్తున్నారు. ఈ సినిమాకు రామ జోగయ్య శాస్త్రి పాటలు అందించారు.
Also Read: Actress Kasturi: జైలుకు తమిళ నటి కస్తూరి.. ఈ నెల 29 వరకు రిమాండ్
ఈ సందర్బంగా నిర్మాత శివలెంక కృష్ణ ప్రసాద్ మాట్లాడుతూ… నవంబర్ 21వ తేదీన ఉదయం 11:12 గంటలకు మా ‘సారంగపాణి జాతకం’ టీజర్ విడుదల చేస్తునట్టు ఆయన తెలిపారు. ప్రేక్షకులకు మా సారంగపాణి ప్రపంచం ఎలా ఉంటుందో ఆ రోజు పరిచయం చేస్తామని, సినిమా చిత్రీకరణ సెప్టెంబర్ మొదటి వారంలో పూర్తి చేశామని ఆయన అన్నారు.