PM Modi: మలేషియా ప్రధాని అన్వర్ ఇబ్రహీంకు మంగళవారం ఢిల్లీలోని రాష్ట్రపతి భవన్లో ప్రధాని నరేంద్ర మోదీ లాంఛనంగా స్వాగతం పలికారు. మలేషియా ప్రధాని భారత పర్యటన సందర్భంగా ఇరువురు నేతలు పరస్పరం పోజులిచ్చిన ఫోటోలను విదేశీ వ్యవహారాల మంత్రిత్వ శాఖ అధికార ప్రతినిధి రణధీర్ జైస్వాల్ Randhir Jaiswal ఈరోజు పంచుకున్నారు. మలేషియా ప్రధాని అన్వర్ ఇబ్రహీం దేశ పర్యటన నిమిత్తం సోమవారం దేశ రాజధానికి చేరుకున్నారు. మలేషియా ప్రధానమంత్రిగా ఆయన భారత్ లో పర్యటించడం ఇదే తొలిసారి. విమానాశ్రయంలో ప్రధాని ఇబ్రహీంకు కేంద్ర సహాయ మంత్రి వి. సోమన్న ఘనస్వాగతం పలికారు. ప్రధాని నరేంద్ర మోదీ ఆహ్వానం మేరకు ప్రధాని ఇబ్రహీం భారత్కు వస్తున్నారు. ప్రధాని మోదీని కలిసిన తర్వాత ఢిల్లీలోని రాజ్ ఘాట్లో మహాత్మా గాంధీకి మలేషియా ప్రధాని నివాళులర్పించారు. రాజ్ ఘాట్ లో సందర్శకుల పుస్తకంపై ఇబ్రహీం సంతకం కూడా చేశారు.
Online Betting: ఆన్లైన్ బెట్టింగ్కు యువకుడు బలి.. రూ.2కోట్ల అప్పులు చేసిన వైనం
ప్రధాని అన్వర్ ఇబ్రహీం ఆగస్టు 20న భారత రాష్ట్రపతి ద్రౌపది ముర్ముతో కూడా భేటీ కానున్నారు. విదేశాంగ మంత్రి ఎస్ జైశంకర్ తన పర్యటనలో ప్రధాని అన్వర్ ఇబ్రహీంతో కూడా సమావేశం కానున్నారు. భారతదేశం, మలేషియా దేశాలు బలమైన చారిత్రక సామాజిక సాంస్కృతిక సంబంధాలను కలిగి ఉన్నాయి. 2015లో ప్రధాని మోదీ పర్యటన సందర్భంగా.. మా ద్వైపాక్షిక సంబంధాలు అడ్వాన్స్డ్ స్ట్రాటజిక్ పార్టనర్షిప్ స్థాయికి ఎదిగాయి. రెండు దేశాలు అభివృద్ధి చెందిన వ్యూహాత్మక భాగస్వామ్యంలో వచ్చే ఏడాది రెండో దశాబ్దంలోకి అడుగుపెట్టనున్న తరుణంలో, ప్రధాని అన్వర్ ఇబ్రహీం పర్యటన భవిష్యత్ కోసం బహుళ రంగాల సహకార ఎజెండాను రూపొందించడం ద్వారా భారత్-మలేషియా ద్వైపాక్షిక సంబంధాలను మరింత బలోపేతం చేసేందుకు మార్గం సుగమం చేస్తుందని విదేశీ వ్యవహారాల మంత్రిత్వ శాఖ పేర్కొంది.