Jai Hanuman : హంపి వేదికగా ‘జై హనుమాన్’ గ్రాండ్ లాంచ్.. రిషబ్ శెట్టితో రానా దగ్గుబాటి స్క్రీన్ షేర్?

ప్రశాంత్ వర్మ సినిమాటిక్ యూనివర్స్ (PVCU) నుంచి రాబోతున్న అత్యంత ప్రతిష్టాత్మక చిత్రం ‘జై హనుమాన్’. గతేడాది బాక్సాఫీస్ వద్ద సంచలనం సృష్టించిన ‘హనుమాన్’ చిత్రానికి సీక్వెల్‌గా వస్తున్న ఈ ప్రాజెక్ట్ పై దేశవ్యాప్తంగా భారీ అంచనాలు ఉన్నాయి. ఇందులో నేషనల్ అవార్డ్ విన్నర్, ‘కాంతార’ ఫేమ్ రిషబ్ శెట్టి హనుమంతుడి పాత్రలో కనిపిస్తుండగా తాజాగా ఈ మెగా ప్రాజెక్ట్ ప్రారంభోత్సవానికి ముహూర్తం ఖరారైంది.

Also Read : Ilaiyaraaja: ఇళయరాజాకు ఢిల్లీ హైకోర్టు షాక్.. కాపీరైట్ వివాదంలో మాస్ట్రోకు ఎదురుదెబ్బ

చారిత్రక నేపథ్యం ఉన్న హంపి క్షేత్రంలో ఫిబ్రవరి 22, 2026న ఈ సినిమాను ఘనంగా ప్రారంభించబోతున్నారు. మార్చి లేదా ఏప్రిల్ నెలల్లో రెగ్యులర్ షూటింగ్ మొదలుపెట్టేందుకు దర్శకుడు ప్రశాంత్ వర్మ అన్ని ఏర్పాట్లు పూర్తి చేశారు. కాగా, ఈ సినిమాలో ఒక పవర్‌ఫుల్ క్యాస్టింగ్ ఉండబోతోందన్న వార్తలు ఇప్పుడు ఫిలిం నగర్ లో హల్చల్ చేస్తున్నాయి. మరో ముఖ్యమైన విషయం ఏంటంటే.. టాలీవుడ్ భల్లాలదేవ రానా దగ్గుబాటి ఇందులో ఒక కీలక పాత్ర పోషించబోతున్నట్లు సమాచారం. ఆయన ఈ సినిమాలో విభిన్నమైన గెటప్పులలో కనిపిస్తారని, కథను మలుపు తిప్పే పాత్రలో మెరుస్తారని టాక్ వినిపిస్తోంది. మైత్రీ మూవీ మేకర్స్, టీ-సిరీస్ సంస్థలు ఎక్కడా రాజీ పడకుండా అత్యంత భారీ బడ్జెట్‌తో ఈ పాన్-ఇండియా వండర్‌ను నిర్మిస్తున్నాయి.