Spirit : స్పిరిట్‌లో బోల్డ్ బ్యూటీ .. స్పెషల్ సాంగ్‌తో పాటు కీలక పాత్ర !

పాన్ ఇండియా స్టార్ ప్రభాస్ నటిస్తున్న ‘స్పిరిట్’ చిత్రం టాలీవుడ్‌తో పాటు బాలీవుడ్‌లో కూడా భారీ అంచనాలను రేకెత్తిస్తోంది. ‘అర్జున్ రెడ్డి’, ‘కబీర్ సింగ్’, ‘యానిమల్’ చిత్రాలతో తన మార్క్‌ను నిలబెట్టుకున్న సందీప్ రెడ్డి వంగా ఈ సినిమాను పవర్‌ఫుల్ కాప్ స్టోరీగా తెరకెక్కిస్తున్నారు. ఇప్పటికే ఈ చిత్రంలో హీరోయిన్‌గా త్రుప్తి దిమ్రిని ఎంపిక చేసిన విషయం తెలిసిందే. ఈ చిత్రానికి సంబంధించిన తాజా అప్‌డేట్ ఇప్పుడు ఫిల్మ్ సర్కిల్స్‌లో చర్చనీయాంశంగా మారింది. సమాచారం ప్రకారం, ఈ సినిమాలో  స్పేషల్ సాంగ్ కోసం బాలీవుడ్ బోల్డ్ బ్యూటీ హుమా ఖురేషిను తీసుకున్నారని తెలుస్తోంది. కేవలం స్పెషల్ సాంగ్‌కే కాకుండా హుమా సినిమాలో ఒక చిన్న పాత్రలో కూడా కనిపించనున్నట్లు తెలుస్తోంది.  ఈ పాత్ర కథలో ఒక ట్విస్ట్ లేదా కీలక మలుపును సృష్టించే అవకాశం ఉందని టాక్.

Also Read : Trivikram Venkatesh 1 : త్రివిక్రమ్-వెంకీ మూవీ పై మరో ఇంట్రెస్టింగ్ టైటిల్‌ వైరల్..?

ఇక యూనిట్ రాబోయే షెడ్యూల్‌లో భారీ స్థాయి యాక్షన్ సీక్వెన్స్‌లను తెరకెక్కించడానికి రెడీ అవుతోంది. ఈ ఫైట్లు సినిమాకే హైలైట్‌గా నిలుస్తాయని సమాచారం. ముఖ్యంగా ఒక పెద్ద యాక్షన్ బ్లాక్ మొత్తం ‘స్పిరిట్’ కథనానికి టర్నింగ్ పాయింట్‌గా నిలవనుందని, ఆ సీన్‌లో ప్రభాస్ పవర్‌ని సందీప్ పూర్తిగా ఎలివేట్ చేయనున్నారట. మ్యూజిక్ విషయంలో కూడా టీమ్ ఏ మాత్రం రాజీ పడలేదు. ‘అనిమల్’కు అద్భుతమైన బ్యాక్‌గ్రౌండ్ స్కోర్ ఇచ్చిన హర్షవర్ధన్ రామేశ్వర్ ఈ చిత్రానికి కూడా సంగీతం అందిస్తున్నారు. ఇప్పటికే హర్షవర్ధన్–సందీప్ రెడ్డి వంగా కలిసి అన్ని మ్యూజిక్ సిట్టింగ్స్ పూర్తి చేసినట్లు సమాచారం. టి-సిరీస్ మరియు భద్రకాళి పిక్చర్స్ ఈ చిత్రాన్ని భారీ బడ్జెట్‌తో నిర్మిస్తుండగా మొత్తం మీద, ప్రభాస్–సందీప్ రెడ్డి కలయికలో వస్తున్న ‘స్పిరిట్’ ఇప్పటి నుంచే పాన్ ఇండియా ఆడియెన్స్ దృష్టిని ఆకర్షిస్తున్న భారీ ప్రాజెక్ట్‌గా నిలుస్తోంది.