Ustaad Bhagat Singh: “అన్నయ్య పక్కన ఉంటే నేను హీరో అన్న సంగతే మర్చిపోతాను” – పవన్ కళ్యాణ్

Ustaad Bhagat Singh: తెలుగు సినీ పరిశ్రమలో మెగా బ్రదర్స్ చిరంజీవి, పవన్ కళ్యాణ్ మధ్య ఉన్న అనుబంధం గురించి ప్రత్యేకంగా చెప్పక్కర్లేదు. తాజాగా ఆదివారం నిర్వహించిన ఉస్తాద్ భగత్‌సింగ్ చిత్ర ప్రీ రిలీజ్ ఈవెంట్‌లో పవన్ కళ్యాణ్ తన అన్నయ్యపై ఉన్న అపారమైన గౌరవాన్ని చాటుకుంటూ చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి.

READ ALSO: Ustaad Bhagat Singh: “ఈసారి పర్ఫార్మెన్స్ బద్దలైపోద్ది” ఉస్తాద్ ఈవెంట్‌లో పవన్ కళ్యాణ్ పవర్ ఫుల్ స్పీచ్..

నాకు ఉన్న ఒకే ఒక్క హీరో చిరంజీవి..
ఈ సందర్భంగా పవన్ కళ్యాణ్ మాట్లాడుతూ.. తనకు ఎప్పటికీ, ఎన్ని సందర్భాల్లోనైనా తన వరకు ఉన్న ఏకైక హీరో మెగాస్టార్ చిరంజీవి గారేనని స్పష్టం చేశారు. తనను ఎవరైనా మెచ్చుకుంటున్నా, ఆ ప్రశంసల వెనుక తన అన్నయ్య స్పూర్తి ఉందని చెప్పారు. ఆయన ఒక ఆసక్తికరమైన విషయాన్ని పంచుకుంటూ, ” ఈ చిత్ర ప్రీ రిలీజ్ ఈవెంట్‌కు చిరంజీవి గారిని పిలుద్దాం అని హరీష్ శంకర్ అడిగారని, దానికి నేను మీకు ఒక హీరో కావాలంటే నన్ను పిలవండి, కానీ ఒక తమ్ముడు కావాలంటే చిరంజీవి గారిని పిలవండి” అని చెప్పినట్లు తెలిపారు. చిరంజీవి గారు పక్కన ఉన్నప్పుడు తాను ఒక స్టార్ హీరో అన్న విషయాన్ని పూర్తిగా మర్చిపోతానని, కేవలం ఒక తమ్ముడిలాగే ఉంటానని ఆయన చెప్పుకొచ్చారు. అన్నయ్య ముందు ఏం మాట్లాడాలో కూడా అర్థం కాదని వివరించారు.

‘ఉస్తాద్ భగత్ సింగ్’ ట్రైలర్‌పై చిరంజీవి ప్రశంసలు
పవన్ కళ్యాణ్ నటించిన ‘ఉస్తాద్ భగత్ సింగ్’ చిత్రానికి సంబంధించిన ట్రైలర్‌ను చూసి మెగాస్టార్ చిరంజీవి అభినందిస్తూ ట్వీట్ చేయడంపై పవన్ సంతోషం వ్యక్తం చేశారు. తన సినిమాపై అన్నయ్య చూపించిన ఆదరణకు, మనస్ఫూర్తిగా చేసిన ప్రశంసలకు ఈ వేదిక ద్వారా పవన్ కళ్యాణ్ ధన్యవాదాలు తెలిపారు. ఎంత ఎదిగినా ఒదిగి ఉండాలనే సూత్రానికి పవన్ కళ్యాణ్ నిదర్శనమని, అన్నయ్య పట్ల ఆయనకు ఉన్న ఈ విధేయత మెగా అభిమానులను ఎంతగానో ఆకట్టుకుంటోంది.

READ ALSO: Ustaad Bhagat Singh: “కళ్యాణ్ మా ఎమ్మెల్యే.. నేను డైరెక్టర్ అవ్వడానికి ఆయనే కారణం!”.. పెద్ది డైరెక్టర్ బుచ్చిబాబు