Paramesh Shivamani: ఇండియన్ కోస్ట్ గార్డ్ కొత్త డైరెక్టర్ జనరల్‌గా పరమేష్ శివమణి నియామకం

Paramesh Shivamani: ఇండియన్ కోస్ట్ గార్డ్ (ఐసిజి) కొత్త డైరెక్టర్ జనరల్‌గా పరమేష్ శివమణి నియమితులయ్యారు. ఆయన మంగళవారం (అక్టోబర్ 15) డైరెక్టర్ జనరల్‌గా బాధ్యతలు స్వీకరించారు. ఇండియన్ కోస్ట్ గార్డ్ 26వ డైరెక్టర్ జనరల్‌గా పరమేష్ శివమణి నియమితులయ్యారు. ఆయన నియామకానికి సంబంధించిన అధికారిక సమాచారాన్ని రక్షణ మంత్రిత్వ శాఖ మంగళవారం వెల్లడించింది. రక్షణ మంత్రిత్వ శాఖ ప్రకారం.. పరమేష్ శివమణి తన మూడున్నర దశాబ్దాల సుదీర్ఘ కెరీర్‌లో తీర, నౌకాదళ నియామకాలలో వివిధ హోదాల్లో పనిచేశారు. అయన నావిగేషన్ డిపార్మెంట్లో నిపుణుడు.

Read Also: Supreme court: ఎన్నికల్లో ఉచిత హామీలపై సుప్రీంకోర్టులో పిటిషన్‌.. ఎన్నికల సంఘానికి నోటీసులు

ఆయనకు సముద్ర కమాండ్‌లో అడ్వాన్స్‌డ్ ఆఫ్‌షోర్ పెట్రోల్ షిప్ ‘సమర్’, ఆఫ్‌షోర్ పెట్రోల్ షిప్ ‘విశ్వాస్ట్’ కూడా ఉన్నాయి. పరమేష్ శివమణి తన కెరియర్ లో కోస్ట్ గార్డ్ ఏరియా (తూర్పు), కోస్ట్ గార్డ్ ఏరియా (పశ్చిమ), కోస్ట్ గార్డ్ కమాండర్ (తూర్పు సముద్ర తీరం) ఉన్నత పదవులను నిర్వహించారు. ఇండియన్ కోస్ట్ గార్డ్ యొక్క కొత్త డైరెక్టర్ జనరల్ న్యూ ఢిల్లీలోని నేషనల్ డిఫెన్స్ కాలేజీ, వెల్లింగ్టన్‌ లోని డిఫెన్స్ సర్వీసెస్ స్టాఫ్ కాలేజ్ పూర్వ విద్యార్థి అని రక్షణ మంత్రిత్వ శాఖ తెలిపింది.

Read Also: Bigg Boss 8: తారస్థాయికి చేరిన నామినేషన్ రచ్చ.. మరి ఈ వారం నామినేషన్ లోకి ఎవరొచ్చారంటే?