Srilanka : శ్రీలంకలో 200 మంది విదేశీయులు అరెస్ట్.. ఎక్కువ మంది భారతీయులే

Srilanka : ఆన్‌లైన్ మనీ మోసం ఆరోపణలపై శ్రీలంక పోలీసులు దాదాపు 200 మంది విదేశీ పౌరులను అరెస్టు చేశారు. వీరిలో ఎక్కువ మంది భారతీయులు ఉన్నారు. బ్రిటన్, దుబాయ్, భారత్‌లోని బ్యాంకు ఖాతాల్లో మోసపూరిత నిధులు జమ అయినట్లు కూడా నేర పరిశోధన విభాగం గుర్తించింది. అరెస్టయిన వారిలో చైనా, బంగ్లాదేశ్, పాకిస్థాన్, నేపాల్ పౌరులు ఉన్నారని, అయితే భారతీయ పౌరుల సంఖ్య ఎక్కువగా ఉందని క్రిమినల్ ఇన్వెస్టిగేషన్ డిపార్ట్‌మెంట్ అధికారులను ఉటంకిస్తూ స్థానిక మీడియా పేర్కొంది.

60 మంది భారతీయులు అరెస్టు
ఇటీవల శ్రీలంకలోని క్రిమినల్ ఇన్వెస్టిగేషన్ డిపార్ట్‌మెంట్ ఆన్‌లైన్ ఫైనాన్షియల్ స్కామ్ ఆరోపణలపై 60 మంది భారతీయులను అరెస్టు చేసింది. జూన్ 27న కొలంబోలోని శివారు ప్రాంతాలైన మడివేలా, బత్తరముల్లా, పశ్చిమ తీర నగరమైన నెగోంబో నుండి పోలీసులు వారందరినీ అరెస్టు చేశారు.

Read Also:MODI: “140 కోట్ల మంది దేశప్రజలు మీ అద్భుత ఆటతీరుకు గర్వపడుతున్నారు”..ఇండియా టీం పై మోడీ ప్రశంసలు

దాడిలో మొబైల్ ఫోన్, ల్యాప్‌టాప్ స్వాధీనం
ఈ దాడిలో 135 మొబైల్ ఫోన్‌లు, 57 ల్యాప్‌టాప్‌లు కూడా స్వాధీనం చేసుకున్నట్లు పోలీసు అధికార ప్రతినిధి ఎస్‌ఎస్పీ నిహాల్ తల్దువా తెలిపారు. సోషల్‌ మీడియా ద్వారా నగదు ఇస్తామని ఎవరైనా ప్రలోభపెట్టారని వచ్చిన ఫిర్యాదు మేరకు ఈ చర్య తీసుకున్నట్లు తెలిపారు.

అంతర్జాతీయ సంబంధాలు
నెగొంబోలోని ఒక విలాసవంతమైన ఇంటిపై దాడిలో సీఐడీ ముఖ్యమైన ఆధారాలను కనుగొన్నారు. దీని ఆధారంగా గతంలో 13 మంది అనుమానితులను అరెస్టు చేశారు. ఈ క్రమంలో 57 ఫోన్లు, కంప్యూటర్లు స్వాధీనం చేసుకున్నారు. తర్వాత నెగొంబోలో మరో 19 మందిని అరెస్టు చేశారు. దీని తరువాత దుబాయ్, ఆఫ్ఘనిస్తాన్ మధ్య అంతర్జాతీయ సంబంధాలు కూడా బహిర్గతమయ్యాయి.

Read Also:ఆదివారం నాడు భక్తిశ్రద్ధలతో ఈ స్తోత్రాలు వింటే సకల పాపాలు పటాపంచలై.. సర్వ సంపన్నులవుతారు