Omar Abdullah: నేడే జమ్మూ కాశ్మీర్ ముఖ్యమంత్రిగా ఒమర్ అబ్దుల్లా ప్రమాణ స్వీకారం

Omar Abdullah: నేషనల్ కాన్ఫరెన్స్ (ఎన్‌సి) ఉపాధ్యక్షుడు ఒమర్ అబ్దుల్లా జమ్మూ కాశ్మీర్ ముఖ్యమంత్రిగా రెండోసారి నేడు (బుధవారం) ఉదయం 11:30 గంటలకు ప్రమాణ స్వీకారం చేయనున్నారు. దీంతో ఆయన ఈ కేంద్ర పాలిత ప్రాంతానికి తొలి సీఎం కానున్నారు. శ్రీనగర్‌లోని షేర్-ఎ-కశ్మీర్ ఇంటర్నేషనల్ కాన్ఫరెన్స్ సెంటర్‌లో ఈ కార్యక్రమం జరగనుంది. ఆయనతో పాటు తొమ్మిది మంది మంత్రులు ప్రమాణం చేసే అవకాశం ఉందని సమాచారం. ఇందులో భాగంగా కాంగ్రెస్‌ నేతలకు మంత్రి పదవి, డిప్యూటీ స్పీకర్‌ పదవి దక్కవచ్చు. మంత్రి పదవి కోసం రాష్ట్ర అధ్యక్షుడు తారిఖ్ హమీద్ కర్రా, ప్రధాన కార్యదర్శి గులాం అహ్మద్ మీర్ పేర్లు వినిపిస్తున్నాయి.

Read Also: Tamilnadu Rain : చెన్నై సహా పలు ప్రాంతాల్లో భారీ వర్షం.. రైలు, రోడ్డు, విమానాలు, స్కూళ్లు, కాలేజీలు బంద్

అయితే, మీర్‌ను కాంగ్రెస్ లెజిస్లేచర్ పార్టీ నాయకుడిగా అక్టోబర్ 15న మాత్రమే కాంగ్రెస్ నియమించింది. కాబట్టి, ఆయనకు మంత్రి అయ్యే అవకాశాలు తక్కువ. ఇక నిజాముద్దీన్ భట్‌ను డిప్యూటీ స్పీకర్‌గా చేయవచ్చు. దీంతో పాటు స్వతంత్ర ఎమ్మెల్యేకు కూడా మంత్రి పదవి ఇవ్వొచ్చని సమాచారం. ప్రభుత్వంలో జమ్మూ ప్రాంతానికి తగిన ప్రాతినిధ్యం కల్పించడానికి ఇది చేయవచ్చు. నేషనల్ కాన్ఫరెన్స్ నుండి ఏడుగురు మంత్రులను ప్రకటించే అవకాశాలున్నాయి. జమ్మూ కాశ్మీర్ పునర్వ్యవస్థీకరణ చట్టం, 2019 ప్రకారం సీఎంతో సహా మొత్తం మంత్రుల సంఖ్య అసెంబ్లీ సీట్లలో 10% మించకూడదు. ప్రమాణ స్వీకారం చేసిన తర్వాత ఒమర్ అబ్దుల్లా మధ్యాహ్నం 3 గంటలకు అడ్మినిస్ట్రేటివ్ సెక్రటరీతో సమావేశం కానున్నారు.

Read Also: Usha Lakshmi: ప్రముఖ గైనకాలజిస్ట్‌ డాక్టర్‌ ఉషాలక్ష్మి అస్తమయం