సామజవరగమన తర్వాత శ్రీవిష్ణు నటించిన ‘ఓం భీం బుష్ ‘ సినిమా మార్చి 22 న రిలీజ్ అయ్యింది.. మొదటి షోతోనే మంచి టాక్ తో దూసుకుపోయింది.. విష్ణు, రాహుల్ రామకృష్ణ, ప్రియదర్శి హీరోలుగా నటించిన లేటెస్ట్ కామెడీ హారర్ థ్రిల్లర్ మూవీ ఓం భీమ్ బుష్. ఈ సినిమాకు హుషారు, రౌడీ బాయ్స్ చిత్రాలను తెరకెక్కించిన శ్రీ హర్ష కొనుగంటి దర్శకత్వం వహించారు.. ఈ సినిమా నుంచి వచ్చిన ట్రైలర్స్, టీజర్స్ కామెడీతో కడుపుబ్బా నవ్వించ్చాయి.. ఇప్పుడు సినిమా కూడా అంతే జోష్ తో బాక్సాఫీస్ వద్ద దుమ్ము దులిపేస్తుంది..
ఈ సినిమా కథ విషయానికొస్తే.. భైరవపురంలోకి బ్యాంగ్ బ్రోస్ ఎంట్రీ ఇచ్చాక ఏం జరిగింది? ఎలాంటి సంఘటనలు ఎదురయ్యాయి? అక్కడ పరిస్థితులు ఈ ముగ్గురిని ఎలా మార్చాయి? ఆ గ్రామంలో ఉన్న దెయ్యం ఎవరు? అందరిని ఆ దెయ్యం ఎలా ఆడుకుంది.. దెయ్యంను తరిమెందుకు ఈ ముగ్గురు ఏం చేశారు? అనేది సినిమా కథ.. రెండు రోజుల కలెక్షన్స్ ను చూస్తే సినిమా వరల్డ్ వైడ్ గా బాగానే రాబడుతుంది.. ఎంత కలెక్షన్స్ ను రాబట్టిందో ఇప్పుడు ఒక్కసారి చూద్దాం..
ఇక భీమ్ బుష్ బాక్సాఫీస్ వద్ద తన ఆధిపత్యాన్ని కొనసాగిస్తోంది. సమాజవరగమన బ్లాక్‌బస్టర్ విజయం తర్వాత, శ్రీవిష్ణు ఓం భీమ్ బుష్‌తో మరోసారి తన బాక్సాఫీస్ స్టామినాను చూపించాడు. ఈ చిత్రం రెండు రోజుల రన్‌లో ప్రపంచవ్యాప్తంగా రూ. 10.44 కోట్ల+ గ్రాస్ వసూలు చేసింది.. సినిమా తొలిరోజు 4.6 కోట్లు రాబట్టగా, రెండో రోజు 5.84 కోట్లు వసూలు చేసింది. ఓం భీమ్ బుష్ USAలో పావు మిలియన్ మార్కును దాటింది. ప్రస్తుతానికి, ఈ ప్రాంతంలో ఈ చిత్రం $260K+ వసూలు చేసింది. ఈ రోజు కలెక్షన్స్ మళ్లీ పెరిగే అవకాశం ఉన్నట్లు తెలుస్తుంది.. మొత్తానికి శ్రీవిష్ణు ఖాతాలో మరో హిట్ సినిమా పడింది..