కేజీఎఫ్‌ సిరీస్ తో బిగ్గెస్ట్ హిట్స్ అందుకున్న దర్శకుడు ప్రశాంత్ నీల్ గత ఏడాది సలార్ సినిమాతో బిగ్గెస్ట్ పాన్ ఇండియా హిట్ ను అందుకున్నాడు.ప్రశాంత్ నీల్ తెరకెక్కించిన ఆ మూడు సినిమాలు బాక్సాఫీస్ వద్ద కలెక్షన్ల వర్షం కురిపించాయి. ప్రస్తుతం ప్రశాంత్ నీల్ పాన్ ఇండియా స్టార్ ప్రభాస్‌తో “సలార్ 2 : శౌర్యంగ పర్వం”సినిమాను తెరకెక్కిస్తున్నాడు. అయితే ఈ సినిమా తరువాత ప్రశాంత్ నీల్ మ్యాన్ ఆఫ్ మాసెస్ ఎన్టీఆర్‌తో సినిమా చేస్తున్న విషయం తెలిసిందే.అయితే ఆ సినిమా ఎన్టీఆర్ 31 వ సినిమాగా తెరకెక్కుతుంది.ఇప్పటికే ఈ సినిమాకు సంబంధించి మేకర్స్ పోస్టర్ ను విడుదల చేయగా ప్రేక్షకుల నుంచి మంచి రెస్పాన్స్ వచ్చింది. అయితే ఈ క్రేజీ మూవీ షూటింగ్ ఎప్పుడు మొదలవుతుందా అని ఎన్టీఆర్ ఫ్యాన్స్ ఎంతగానో ఎదురు చూస్తున్నారు.
ఇదిలా ఉంటే తాజాగా ఈ సినిమా షూటింగ్ సంబంధించి ఇంట్రెస్టింగ్ న్యూస్ సోషల్ మీడియాలో వైరల్ అవుతుంది.ఈ క్రేజీ మూవీని ఈ ఏడాది సెప్టెంబర్ నుంచి దర్శకుడు ప్రశాంత్ సెట్స్ పైకి తీసుకెళ్లనున్నట్లు సమాచారం. ప్రశాంత్ నీల్ ప్రస్తుతం సలార్ 2 మూవీకి సంబంధించి బిజీ గా వున్నారు. ఈ చిత్ర షూటింగ్ పూర్తి అయిన తరువాత ఎన్టీఆర్ సినిమా సెట్స్ పైకి తీసుకురానున్నట్లు సమాచారం.అయితే ఎన్టీఆర్ సినిమాను కూడా ప్రశాంత్ నీల్ రెండు భాగాలుగా ప్లాన్ చేస్తున్నట్లు సమాచారం.అయితే ఈ విషయంపై చిత్ర యూనిట్ అధికారిక ప్రకటన చేయాలి.ఇప్పటికే ఎన్టీఆర్ నటిస్తున్న దేవర సినిమా రెండు పార్ట్స్ గా తెరకెక్కుత్తుంది.మొదటి పార్ట్ అక్టోబర్ 10 న దసరా కానుకగా రిలీజ్ కానుంది.