Muhammad Yunus: నోబెల్ గ్రహీత ముహమ్మద్ యూనస్‌కు 6 నెలల జైలు శిక్ష
- Follow Us :
-
-
Add as a preferred
source on google
బంగ్లాదేశ్‌కు చెందిన నోబెల్ గ్రహీత ఆర్థికవేత్త డాక్టర్ ముహమ్మద్ యూనస్‌కు న్యాయస్థానం సోమవారం ఆరు నెలల జైలు శిక్ష విధించింది. యూనస్ మద్దతుదారులు ఈ సంఘటనను “రాజకీయ ప్రేరణ”గా అభివర్ణించారు. ఇదిలా ఉంటే.. 83 ఏళ్ల ఆర్థికవేత్త ముహమ్మద్ యూనస్ తన పేదరిక వ్యతిరేక ప్రచారానికి 2006లో నోబెల్ శాంతి బహుమతిని గెలుచుకున్నారు. ఈ ప్రచారం బంగ్లాదేశ్‌కు 1983లో స్థాపించిన గ్రామీణ బ్యాంకు ద్వారా మైక్రోక్రెడిట్‌కు నిలయంగా పేరు తెచ్చుకుంది.
Read Also: Anand Mahindra: చైనాకు ప్రత్యామ్నాయంగా భారత్ మారాలి..
అతను స్థాపించిన కంపెనీలలో ఒకటైన గ్రామీణ టెలికామ్‌లో యూనస్.. అతని ముగ్గురు సహచరులు కంపెనీలో కార్మికుల సంక్షేమ నిధిని సృష్టించడంలో విఫలమైనప్పుడు కార్మిక చట్టాలను ఉల్లంఘించారని ఆరోపించారు. లేబర్ కోర్టు న్యాయమూర్తి షేక్ మెరీనా సుల్తానా తీర్పును వెలువరిస్తూ.. ఆయనపై కార్మిక చట్టాన్ని ఉల్లంఘించినట్లు రుజువైందన్నారు. ఒక వ్యాపార సంస్థకు చెందిన మరో ముగ్గురు ఎగ్జిక్యూటివ్‌లతో పాటు గ్రామీణ టెలికాం ఛైర్మన్‌గా చట్టాన్ని ఉల్లంఘించినందుకు యూనస్ ఆరు నెలల సాధారణ జైలు శిక్ష అనుభవించాల్సి ఉంటుందని న్యాయమూర్తి తీర్పు చెప్పారు.
తీర్పు వెలువడే సమయంలో యూనస్ కోర్టులోనే ఉన్నారు. న్యాయమూర్తి ఒక్కొక్కరికి 25,000 రూపాయల జరిమానా విధించారు. లేని పక్షంలో మరో 10 రోజులు జైలులో ఉండవలసి ఉంటుందని తెలిపారు. కాగా.. తీర్పు వెలువడిన వెంటనే యూనస్, మరో ముగ్గురు బెయిల్ కోసం దరఖాస్తు చేసుకున్నారు. 5,000 రూపాయల పూచీకత్తుపై న్యాయమూర్తి అతనికి ఒక నెల బెయిల్ మంజూరు చేశారు.