Allu Arjun : ఐకాన్ స్టార్ బర్త్ డే.. ఫ్యాన్స్ కు బ్యాడ్ న్యూస్ చెప్పిన బన్నీ వాసు
ఐకాన్ స్టార్ అల్లు అర్జున్ పుట్టినరోజు (ఏప్రిల్ 8) అంటే అభిమానులకు ఒక పండగ లాంటిది. ప్రతి ఏటా బన్నీ బర్త్ డే సందర్భంగా ఆయన నటిస్తున్న సినిమాల నుండి ఏదో ఒక భారీ అప్డేట్ వస్తుందని ఫ్యాన్స్ వెయ్యి కళ్లతో ఎదురుచూస్తుంటారు. ముఖ్యంగా టీజర్ లేదా గ్లింప్స్ వంటి విజువల్ ట్రీట్ కోసం సోషల్ మీడియాలో భారీ అంచనాలు ఉంటాయి. అయితే ఈసారి అభిమానులకు కాసింత నిరాశ తప్పదనే చెప్పాలి.
బన్నీ ప్రస్తుతం అట్లీ డైరెక్షన్ లో సినిమా చేస్తున్నాడు. బన్నీ కెరీర్ లో 22వ సినిమాగా వస్తున్న ఈ చిత్రానికి సంబంధించి బన్నీ బర్త్ డే కు గ్లిమ్స్ ఉంటుందేమోనని ఫ్యాన్స్ ఎదురుస్తున్న తరుణంలో ప్రముఖ నిర్మాత బన్నీ వాస్ AA 22 అప్డేట్స్పై క్లారిటీ ఇచ్చారు. వాసు మాట్లాడుతూ ‘బన్నీ పుట్టినరోజున ఎలాంటి వీడియో కంటెంట్ విడుదల చేసే ఆలోచన చిత్ర యూనిట్కు లేదు, నాకు తెలిసినంత వరకు ఈ పుట్టినరోజుకు కేవలం సినిమా టైటిల్ మరియు ఒక ఫస్ట్ లుక్ పోస్టర్ మాత్రమే వస్తాయి. ఎటువంటి విజువల్ కంటెంట్ లేదా వీడియో గ్లింప్స్ విడుదల కావడం లేదు” అని అన్నాడు. ఈ సినిమా అల్లు అర్జున్ కెరీర్లోనే చాలా ప్రత్యేకమైనది కావడంతో, చిత్ర బృందం అత్యంత జాగ్రత్తగా వ్యవహరిస్తోంది. ఇప్పుడే విజువల్స్ను రివీల్ చేయడం వల్ల సినిమాపై ఉన్న ఉత్కంఠ తగ్గిపోతుందని మేకర్స్ భావిస్తున్నారు. అందుకే, ప్రస్తుతానికి కేవలం పోస్టర్ ద్వారానే హైప్ క్రియేట్ చేయాలని, విజువల్స్ కోసం మరికొంత కాలం వేచి చూడాలని చిత్ర యూనిట్ నిర్ణయించుకుంది. వీడియో ఆశించిన అభిమానులకు ఇది కొంత నిరాశ కలిగించే విషయమే అయినప్పటికీ టైటిల్ మరియు పోస్టర్ లోడింగ్ అనే వార్త ఇప్పుడు నెట్టింట వైరల్ అవుతోంది.