Nisha Kothari : ఓరి దేవుడో .. ఆర్జీవి హీరోయిన్ ఇలా మారిందేంటి?

సినీ ఇండస్ట్రీలోకి కొత్త హీరోయిన్లు వచ్చేకొద్ది పాత హీరోయిన్లు బై బై చెప్పేస్తున్నారు.. ఆ తర్వాత చాలా కాలంకు రీ ఎంట్రీ ఇస్తున్నారు.. కొందరు హీరోయిన్లు మాత్రం అసలు ఇండస్ట్రీ వైపు చూడనేలేదు.. అలాంటి హీరోయిన్లలో ఆర్జీవి హీరోయిన్ నిషా కొఠారి కూడా ఒకటి.. ఈ అమ్మడు చేసింది తక్కువ సినిమాలే అయినా కూడా వర్మ సినిమాలతో బాగా పాపులారిటిని సొంతం చేసుకుంది.. అయితే చాలా కాలంగా ఇండస్ట్రీకి దూరంగా ఉన్న ఈ అమ్మడు ఇప్పుడేం చేస్తుందో? ఎలా ఉందో చూద్దాం..

జేమ్స్, సర్కార్, శివ వంటి చిత్రాల్లో తన అందాలతో కుర్రాళ్లకు మతిపోగొట్టింది.. బాలయ్య బాబు సరసన ఒక్క మగాడు సినిమాలో నటించింది. అయితే ఆ సినిమా భారీ డిజాస్టర్ అందుకుంది.. కానీ అమ్మడు అందాలకు కుర్రాళ్లు ఫిదా అయ్యారు.. ఆ తర్వాత అప్పుడప్పుడు సినిమాల్లో తలుక్కుమనేది.. మొదట తమిళ స్టార్ హీరో మాధవన్‌తో కలిసి ‘జేజే’ అనే చిత్రం ద్వారా సినీ ఇండస్ట్రీలోకి అరంగేట్రం చేసింది.. ఆ తర్వాత కన్నడ ఇండస్ట్రీలో కూడా ఎంట్రీ ఇచ్చింది..

అడపా దడపా సినిమాల్లో మెరిసిన ఈ అమ్మడు 2016లో భాస్కర్ అనే వ్యక్తిని పెళ్లి చేసుకుని సెటిల్ అయ్యింది. ప్రస్తుతం ఆమె ఢిల్లీలో తన ఫ్యామిలీతో సెటిల్ అయిందని తెలుస్తోంది.. ఈ మధ్య నిషా ఫోటోలు కొన్ని సోషల్ మీడియాలో తెగ వైరల్ అవుతున్నాయి.. ఆ ఫోటోలను చూసిన వారంతా కూడా షాక్ అవుతున్నారు.. అస్సలు గుర్తు పట్టలేకుండా ఉన్నామని కామెంట్స్ చేస్తున్నారు.. అప్పటిలో కుర్రకారును ఉర్రూతలూరించిన నిషా ఇప్పుడేలా ఉందో ఓ లుక్ వేసుకోండి..