Biggboss 8 : బిగ్ బాస్ సీజన్ 8 గ్రాండ్ గా ముగిసిన సంగతి తెలిసిందే. విన్నర్ గా నిఖిల్ మాలియక్కల్ టైటిల్ అందుకున్నారు. గౌతమ్ రన్నర్ గా నిలిచారు. చివరి వరకు టైటిల్ ఫైట్ లో నిలబడి విజేతగా నిలిచిన నిఖిల్ బయటకు రాగానే కొత్త తలనొప్పులు మొదలయ్యాయి. తను సమాధానం చెప్పాల్సిన సందర్భాలు చాలానే ఎదురయ్యాయి. ముఖ్యంగా నిఖిల్ అంతకుముందు కావ్య అనే సీరియల్ నటితో కొన్నాళ్లు డేటింగ్ లో ఉన్నాడు. హౌస్ లో తన బ్రేకప్ లవ్ గురించి చెబుతూ బయటకు వెళ్లాక తను అర్థం చేసుకుంటుందో లేదో అని కంటెస్టెంట్లతో చెప్పాడు. ఐతే బయట మాత్రం కావ్య నటించడం వచ్చిన వారు ఎక్కడైనా ఎలాంటి సందర్భంలో అయినా నటిస్తారని అని ఇన్ స్టాగ్రామ్ లో పోస్ట్ చేసింది. నిఖిల్, కావ్య కలిసి గోరింటాకు సీరియల్ లో పనిచేశారు. దాదాపు రెండు మూడేళ్లు ఇద్దరు కలిసి సీరియల్ లో నటించడంతో వారిద్దరి మధ్య మంచి రిలేషన్ షిప్ ఏర్పడింది. స్టార్ మా రియాలిటీ షోలో వీరిద్దరు కలిసి పాల్గొన్నారు. అంతేకాదు ఒకరి మీద ఒకరి ఇష్టాన్ని చూపించుకున్నారు. అయితే సడెన్ గా ఏమైందో ఏమో కానీ బిగ్ బాస్ కి వెళ్లే ముందు నిఖిల్, కావ్య ఇద్దరూ బ్రేకప్ చెప్పుకున్నారు. హౌస్ లో నిఖిల్ వేరే అమ్మాయితో క్లోజ్ గా ఉండడం కూడా కావ్యకు నచ్చలేదు.
Read Also:Deputy CM Pawan Kalyan: నేడు అల్లూరి జిల్లాలో డిప్యూటీ సీఎం పవన్ కల్యాణ్ పర్యటన..
అందుకే అతను హౌస్ లో ఉన్నప్పుడు నిఖిల్ ని ఉద్దేశిస్తూ కామెంట్ పెట్టింది. ఐతే బయటకు వచ్చిన నిఖిల్ కి కావ్య పెట్టిన ఈ మెసేజ్ లు ఇప్పుడు అతడికి పెద్ద తలనొప్పిగా మారాయి. విన్నర్ గా నిలిచి ఎక్కడ ఇంటర్వ్యూకి వెళ్లినా సరే నిఖిల్ విషయంలో కావ్య చేసిన మెసేజ్ ల గురించి అడుగుతున్నారు. కావ్యతో అసలు ఎందుకు బ్రేకప్ అయ్యిందంటూ ప్రశ్నిస్తున్నారు. కావ్యతో నిఖిల్ ఆల్ మోస్ట్ ఇద్దరు ఎవరి దారి వారు చూసుకున్నారు. ఎందుకు విడిపోయారన్నది మాత్రం చెప్పట్లేదు.. కానీ బిగ్ బాస్ కి వెళ్లొచ్చాక నిఖిల్ మీద కావ్య మరింత ఫైర్ మీద ఉందని తెలుస్తుంది. బిగ్ బాస్ టైటిల్ గెలిచానన్న ఆనందం కన్నా ఎక్కడికి వెళ్లినా కావ్యతో ఎందుకు బ్రేకప్ అయ్యిందన్న ప్రశ్న నిఖిల్ కి తలనొప్పిగా మారింది. అంతేకాదు బిగ్ బాస్ విన్నర్ విషయంలో స్టార్ మా కావాలని నిఖిల్ ని విన్నర్ చేస్తుందంటూ అఖిల్ సార్ధక్ చేసిన కామెంట్స్ పై కూడా నిఖిల్ తన అసంతృప్తిని వ్యక్తం చేశారు.
Read Also:LB Stadium: మమ్మల్ని ఆదుకోండి.. టవర్ ఎక్కి మాజీ హోం గార్డు నిరసన..
