New Year Midnight Kiss: న్యూ ఇయర్ మిడ్‌నైట్ కిస్.. ఈ సంప్రదాయం వెనుక ఉన్న అసలు కథ ఏంటంటే?

వరల్డ్ వైడ్ గా న్యూ ఇయర్ సెలబ్రేషన్స్ కు రెడీ అయ్యారు. ఈ ఏడాది చివరి రోజు మరికొన్ని గంటల్లో కాలగర్భంలో కలిసిపోనుంది. ప్రతి ఒక్కరు కొత్త ఆశలతో నూతన సంవత్సరాన్ని స్వాగతించడానికి సిద్ధంగా ఉన్నారు. రాబోయే సంవత్సరాన్ని సంతోషంగా మార్చుకునేందుకు ప్రజలు చాలా పనులు చేస్తారు. కొంతమంది డిసెంబర్ 31వ తేదీ అర్ధరాత్రి నూతన సంవత్సర శుభాకాంక్షలు తెలుపుతారు, మరికొందరు రాబోయే సంవత్సరాన్ని అదృష్టంగా మార్చడానికి ద్రాక్షపండ్లు తింటారు. అదేవిధంగా, నూతన సంవత్సరంతో ముడిపడి ఉన్న మరొక సంప్రదాయం ఈ రోజుల్లో బాగా ప్రాచుర్యం పొందింది.

Also Read:New Year 2026: యుద్ధాలు.. వాతావరణ విపత్తులు.. రోగాలు.. రెసెషన్..! 2026లో ఎలా ముందుకెళ్లాలి?

అదే న్యూ ఇయర్ మిడ్‌నైట్ కిస్. ఇది నూతన సంవత్సరంతో ముడిపడి ఉన్న పాత సంప్రదాయం. ప్రతి సంవత్సరం డిసెంబర్ 31వ తేదీ రాత్రి, ప్రపంచవ్యాప్తంగా మిలియన్ల మంది ప్రజలు మధ్యరాత్రి 12 గంటలు కొట్టగానే ఒకరినొకరు ముద్దుపెట్టుకుంటారు. ఈ నూతన సంవత్సర మధ్యరాత్రి ముద్దు అనే సంప్రదాయం రొమాంటిక్ చిత్రాలు, పాటలు, పార్టీలలో ఎంతో ప్రాచుర్యం పొందింది. కానీ ఈ ఆచారం ఎక్కడ నుంచి వచ్చింది? దీని చరిత్ర ఏమిటి? ఆ వివరాలు మీకోసం..

న్యూ ఇయర్ మిడ్‌నైట్ కిస్ సంప్రదాయం ఏమిటి?

పేరు సూచించినట్లుగా, ఈ సంప్రదాయం అంటే డిసెంబర్ 31వ తేదీ అర్ధరాత్రి నూతన సంవత్సర వేడుకల సందర్భంగా మీ భాగస్వామిని ముద్దు పెట్టుకోవడం. ఇది శృంగారభరితంగా అనిపించవచ్చు, కానీ ఇది కేవలం శృంగార చర్య మాత్రమే కాదు. ఇది అదృష్టం, నూతన సంవత్సర శుభాకాంక్షలతో కూడా ముడిపడి ఉంది. నూతన సంవత్సరం ప్రారంభంలో మీ భాగస్వామిని లేదా ప్రియమైన వారిని ముద్దు పెట్టుకోవడం వల్ల ఆనందం, శాశ్వత బంధం లభిస్తుందని విశ్వసిస్తుంటారు. జంటలకు, ఈ సంప్రదాయం వారి రిలేషన్ షిప్ లో ప్రేమను పెంపొందిస్తుంది. మధ్యరాత్రి ముద్దు పెట్టుకుంటే సంవత్సరమంతా ప్రేమ, సంతోషం ఉంటాయని, లేకపోతే ఒంటరితనం వస్తుందని కొందరు విశ్వసిస్తారు.

ఈ సంప్రదాయం ఎలా మొదలైంది?

ఈ సంప్రదాయం ప్రపంచవ్యాప్తంగా ప్రజాదరణ పొందినప్పటికీ, ఇది ఎప్పుడు, ఎలా, ఎక్కడ ఉద్భవించిందనే దానిపై ఖచ్చితమైన సమాచారం లేదు. అయితే, నిపుణులు దీనిని రెండు శీతాకాలపు పండుగలతో అనుసంధానిస్తుంటారు. సాటర్నాలియా (పురాతన రోమన్ పండుగ), హోగ్మనే (స్కాట్లాండ్‌లో ఇప్పటికీ నూతన సంవత్సర దినోత్సవం రోజున జరుపుకునే వైకింగ్ సంప్రదాయం). ఈ సంప్రదాయం మూలాలు పురాతన రోమన్ నాగరికత వరకు వెళ్తాయి. రోమన్లు శీతాకాల సంక్రాంతి సమయంలో సాటర్నాలియా అనే పండుగను జరుపుకునేవారు. ఈ పండుగలో ఉల్లాసం, విందులు, ముద్దులు సాధారణం. మధ్య యుగాల్లో ఐరోపాలో మాస్కరేడ్ బాల్స్ (ముసుగులు ధరించి నృత్యాలు) జరిగేవి. అర్ధరాత్రి ముద్దు పెట్టుకోవడం ద్వారా దురదృష్టాన్ని తొలగిపోయి, మంచి అదృష్టాన్ని పొందుతారని నమ్మకం.

Also Read:Harmanpreet Kaur Record: మాజీ దిగ్గజం రికార్డును సమం చేసిన హర్మన్‌ప్రీత్ కౌర్‌!

ఆధునిక కాలంలో ఈ ఆచారం జర్మన్, ఇంగ్లీష్ ఫోక్‌లోర్ నుంచి వచ్చిందని చరిత్రకారులు చెబుతారు. మధ్యరాత్రి ఎవరితో ఉంటే ఆ సంవత్సరం అదే రకమైన అదృష్టం వస్తుందని జర్మన్ నమ్మకం. అమెరికాలో జర్మన్ వలసదారులు ఈ సంప్రదాయాన్ని ప్రవేశపెట్టారు. భారత్‌లో, ముఖ్యంగా తెలుగు రాష్ట్రాల్లో ఆంగ్ల నూతన సంవత్సరం (డిసెంబర్ 31)ను పార్టీలు, ఫైర్‌వర్క్స్‌తో జరుపుకుంటాం. నగరాల్లో యువత ఈ మధ్యరాత్రి ముద్దు సంప్రదాయాన్ని అనుసరిస్తుంది. మరోవైపు, హోగ్మనే (స్కాట్లాండ్‌లో నేటికీ జరుపుకునే వైకింగ్ సంప్రదాయం) ముద్దు పెట్టుకోవడంలో భాగం, కనీసం నూతన సంవత్సర రోజైనా ఈ సంప్రదాయాన్ని పాటిస్తుంటారు.