Nara Lokesh : శ్రీకాకుళం జిల్లాలోని ఓ కోచింగ్ సెంటర్ యాజమాన్యం ట్రైనింగ్‌ అభ్యర్థులను దుర్భాషలాడిన వీడియో సోషల్ మీడియాలో వైరల్‌గా మారింది. ఆర్మీ ఉద్యోగాల కోసం వ్యక్తులను సిద్ధం చేయాలని కోచింగ్ సెంటర్ ఇలా వ్యవహరించడంపై సర్వత్రా విమర్శలు వెల్లువెత్తుతున్నాయి. ఈ ఘటనను తీవ్రంగా ఖండిస్తున్న మంత్రి నారా లోకేష్.. బాధ్యులపై శ్రీకాకుళం పోలీసులు చర్యలు తీసుకుంటున్నారని తెలిపారు. ఈ సంఘటన శ్రీకాకుళం జిల్లాలో “ఇండియన్ ఆర్మీ కాలింగ్” అనే సంస్థను నడుపుతున్న వెంకట రమణ అనే వ్యక్తికి సంబంధించినది. తాను రిటైర్డ్ ఆర్మీ అధికారినని చెప్పుకుంటూ, ఆర్మీ రిక్రూట్‌మెంట్ కోసం ఔత్సాహికులకు శిక్షణ ఇచ్చేందుకు ఒక్కొక్కరి నుంచి ₹5 లక్షల వరకు వసూలు చేస్తున్నాడు.
Pushpa 2: ఆ ఫాన్స్ కి మాకు సంబంధం లేదు. అల్లు అర్జున్ ఫ్యాన్స్ అసోసియేషన్ కీలక ప్రకటన!
వైరల్ వీడియోలో, సంస్థ డైరెక్టర్ రమణ విద్యుత్ తీగతో ట్రైనీపై దారుణంగా దాడి చేయడం కనిపిస్తుంది. ఈ వీడియో ఆన్‌లైన్‌లో దుమారం రేపింది, చాలా మంది నెటిజన్లు మంత్రి నారా లోకేష్‌ను ట్యాగ్ చేస్తూ చర్యలు తీసుకోవాలని కోరారు. వెంటనే స్పందించిన మంత్రి లోకేశ్ దాడిని ఖండిస్తూ శ్రీకాకుళం పోలీసులు విచారణ జరుపుతున్నారని హామీ ఇచ్చారు. ఈ సంఘటన డిసెంబర్ 2023లో జరిగిందని నివేదికలు సూచిస్తున్నాయి. పోలీసులు ఈ ఘటనపై కేసు నమోదు చేసి విచారణ ప్రారంభించారు.
PM Modi: ఓట్లు, సీట్లు కారణంగానే పలు రాష్ట్రాలు అభివృద్ధి చెందలేదు