Naga chaitanya : ఆ సూపర్ హిట్ సినిమా ను రీ మేక్ చేయబోతున్న నాగ చైతన్య..!!
అక్కినేని నాగచైతన్య ఈ మధ్యనే కస్టడీ తో ప్రేక్షకుల ముందుకు వచ్చిన విషయం తెలిసిందే. డైరెక్టర్ వెంకట్ ప్రభు దర్శకత్వంలో వచ్చిన ఈ మాస్ యాక్షన్ చిత్రం తెలుగుతో పాటు..తమిళంలో కూడా ఒకే సమయంలో విడుదలైంది. భారీ అంచనాల మధ్య ప్రేక్షకుల ముందుకు వచ్చిన ఈ మూవీ అభిమానులను బాగా నిరాశపరిచింది. దీంతో తన రాబోయే ప్రాజెక్ట్స్ పై ఇంకాస్త ఎక్కువగా దృష్టి పెట్టారు నాగ చైతన్య. ఈ క్రమంలోనే తాజాగా నాగ చైతన్య కు సంబంధించి ఓ వార్త సోషల్ మీడియాలో బాగా వైరలవుతుంది. ఇటీవలే హిందీలో విడుదలైన కార్తీక్ ఆర్యన్, కియారా అద్వానీ నటించిన చిత్రం భూల్ భూలయ్యా 2. ఈ బాక్సాఫీస్ వద్ద భారీ విజయం సాధించింది.భారీగా వసూళ్లను కూడా రాబట్టింది. అయితే ఈ ఇప్పుడు తెలుగులో రీమేక్ కానున్నట్లు సమాచారం.. ఇందులో నాగ చైతన్య నటించనున్నారని వార్త వైరల్ అవుతుంది.అంతేకాకుండా ఈ సినిమా లో టబు పాత్రలో జ్యోతిక నటిస్తున్నట్లుగా ప్రచారం కూడా జరుగుతుంది.
తాజాగా ఈ వార్తలపై నాగచైతన్య టీం స్పందించిన్నట్లు సమాచారం.. నాగచైతన్య ఎలాంటి రీమేక్ చిత్రంలో నటించడం లేదంటూ ఓ ప్రకటన కూడా విడుదల చేసింది. భూల్ భూలయ్య 2 రీమేక్ పై సోషల్ మీడియాలో ప్రచారం అవుతున్న పూర్తిగా ఫేక్ అని అలాంటి తప్పుడు వార్తలను వ్యాప్తి చేయవద్దని మీడియాను కూడా అభ్యర్థిస్తున్నాం అంటూ ప్రకటనలో పేర్కొన్నారు. ఇదిలా ఉంటే.. గతంలో లాల్ సింగ్ చద్దా తో బాలీవుడ్ లో కి ఎంట్రీ ఇచ్చారు నాగ చైతన్య. ఇందులో అమీర్ ఖాన్ మరియు కరీనా కపూర్ జంటగా నటించారు.భారీ అంచనాల మధ్య ప్రేక్షకుల ముందుకు వచ్చిన ఈ సినిమా డిజాస్టర్ అయ్యింది. ప్రస్తుతం నాగ చైతన్య ఎలాంటి సినిమా చేయాలి అనే విషయం పై పూర్తిగా దృష్టి పెట్టినట్లు సమాచారం. తన తరువాత సినిమా తప్పక హిట్ అవ్వాలని ఆయన అనుకుంటున్నారు