అక్కినేని నాగార్జున హీరోగా నటించిన తాజాగా సినిమా ‘నా సామిరంగ’.. ఈ సినిమా సంక్రాంతి కానుకగా నిన్న విడుదలైంది.. ఈ సినిమాకు ఊహకు అందని విధంగా మంచి హిట్ టాక్ ను అందుకుంది.. మొదటి నుంచి పాజిటివ్ టాక్ తో దూసుకుపోతుంది.. ఈ సినిమాకు విడుదలకు ముందే మంచి రెస్పాన్స్ వచ్చింది.. ఇప్పుడు కూడా అదే జోష్ తో దూసుకుపోతుంది.. ఇక మొదటి రోజు బాగానే కలెక్షన్స్ ను రాబట్టింది.. ఇక రెండో రోజు ఏ మాత్రం కలెక్షన్స్ ను రాబట్టిందో ఒకసారి చూసేద్దాం..
ప్రముఖ డ్యాన్స్ కొరియోగ్రాఫర్ విజయ్ బిన్నీ దర్శకత్వంలో అక్కినేని నాగార్జున హీరోగా నటించిన సినిమానే ‘నా సామిరంగ’. ఈ మూవీని శ్రీనివాస సిల్వర్ స్క్రీన్ బ్యానర్‌పై శ్రీనివాస చిట్టూరి నిర్మించారు. ఇందులో అషికా రంగనాథ్ హీరోయిన్‌గా.. అల్లరి నరేష్, రాజ్ తరుణ్ కీలక పాత్రల్లో నటించారు. దీనికి ఆస్కార్ అవార్డు విన్నర్ ఎమ్ఎమ్ కీరవాణి సంగీతం అందించారు..’నా సామిరంగ’ మూవీకి నైజాంలో రూ. 5.01 కోట్లు, సీడెడ్‌లో రూ. 2.21 కోట్లు, ఆంధ్రప్రదేశ్‌లోని మిగిలిన ప్రాంతాల్లో కలిపి రూ. 8.30 కోట్ల బిజినెస్ జరిగింది. ఇలా మొత్తంగా తెలుగులో రూ. 18.22 కోట్లకు అమ్ముడైంది. అలాగే, కర్నాటక ప్లస్ రెస్టాఫ్ ఇండియాలో రూ. 1.01 కోట్లకు, ఓవర్సీస్‌లో రూ. 2.01 కోట్లతో కలిపి మొత్తంగా ఈ చిత్రానికి రూ. 18.23 కోట్లు బిజినెస్ అయిన విషయం తెలిసిందే..
ఈ సినిమాకు రెండో రోజు బాగానే కలెక్షన్స్ వచ్చాయి. తెలుగు రాష్ట్రాల్లో నా సామిరంగ చిత్రానికి నైజం రూ.1.47కోట్లు, సీడెట్ రూ. 76లక్షలు, వైజాగ్ రూ. 56 లక్షలు, ఈస్ట్ రూ. 54 లక్షలు, వెస్ట్ రూ.34 లక్షలు, కృష్ణ రూ. 26లక్షలు, గుంటూరు రూ.41లక్షలు, నెల్లూరు రూ.20లక్షలు వసూలు చేసింది. ఇక రెండో రోజు నా సామి రంగ చిత్రం తెలుగు రాష్ట్రాల్లో రూ.4.55 కోట్లు రాబట్టింది.. మొత్తంగా కలిపి చూస్తే ప్రపంచవ్యాప్తంగా ఈ మూవీ రూ. 17.8 కోట్లు రాబట్టింది.. ఇంకా పెరిగే అవకాశం ఉన్నట్లు తెలుస్తుంది..
