Motorola Edge 50 Price: మోటోరొలా నుంచి సూపర్ స్మార్ట్‌ఫోన్‌.. తడి చేతితోనూ వాడొచ్చు! స్పెసిఫికేషన్స్ ఇవే

Motorola Edge 50 5G Smartphone Launched in India: ప్రముఖ మొబైల్‌ తయారీ కంపెనీ ‘మోటోరొలా’ భారత మార్కెట్‌లోకి వరుసగా 5జీ స్మార్ట్‌ఫోన్‌ను లాంచ్‌ చేస్తోంది. ముఖ్యంగా ఎడ్జ్‌ సిరీస్‌లో సరికొత్త ఫోన్‌లను తీసుకొస్తోంది. ఈ క్రమంలో మరో సూపర్ స్మార్ట్‌ఫోన్‌ను లాంచ్ చేస్తోంది. ‘మోటోరొలా ఎడ్జ్‌ 50’ను ఈరోజు మధ్యాహ్నం 12 గంటలకు లాంచ్ చేసింది. ఈ ఫోన్ స్మార్ట్‌ వాటర్‌ టచ్‌ ఫీచర్‌తో వస్తోంది. తడి చేతితోనూ ఈ స్మార్ట్‌ఫోన్‌ను వాడొచ్చు. అంతేకాదు ఒకటిన్నర మీటరు నీటి లోతులో 30 నిమిషాల పాటు ఉన్నా ఏమీ కాదని కంపెనీ చెబుతోంది.

Motorola Edge 50 Price:
మోటోరొలా ఎడ్జ్‌ 50 సింగిల్‌ వేరియంట్‌లో లభిస్తుంది. 8జీబీ+ 256జీబీ వేరియంట్‌ ధర రూ.27,999గా ఉంది. ఈ ఫోన్ విక్రయాలు ఆగస్టు 8 నుంచి ప్రారంభమవుతాయి. మోటోరొలా వెబ్‌సైట్‌తో పాటు ఈ కామర్స్ సైట్‌ ఫ్లిప్‌కార్ట్‌లో కొనుగోలు చేయొచ్చు. ఎంపిక చేసిన బ్యాంక్‌ కార్డుల ద్వారా కొనుగోలు చేసిన వారు రూ.2వేలు ఇన్‌స్టంట్‌ డిస్కౌంట్‌ పొందొచ్చు. జంగిల్ గ్రీన్, పాంటోన్ పీచ్ ఫజ్ రంగుల్లో లెథర్‌ ఫినిష్‌తో వస్తోంది. కోలా గ్రే రంగులోని ఫోన్‌కు మాత్రం స్వెడ్‌ ఫినిష్‌ ఉంటుంది.

Also Read: IND vs SL ODI Series: హాట్‌స్టార్‌, జియోసినిమాలో రాదు.. ఫ్రీగా ఎలా చూడాలంటే?

మోటోరొలా ఎడ్జ్‌ 50 స్పెసిఫికేషన్స్ (Motorola Edge 50 Specs):
# 6.7 ఇంచెస్ 1.5కె సూపర్‌ హెచ్‌డీ పోలెడ్‌ కర్వ్‌డ్‌ డిస్‌ప్లే
# 1900నిట్స్‌ పీక్‌ బ్రైట్‌నెస్‌
# స్నాప్‌డ్రాగన్‌ 7జెన్‌ 1ఏఈ చిప్‌సెట్‌
# ఆండ్రాయిడ్‌ 14 ఆధారిత హల్లో యూఐ
# 50ఎంపీ సోనీ లిటియా 700సీ సెన్సర్‌, 10 ఎంపీ టెలిఫొటో షూటర్‌, 13 ఎంపీ సెన్సర్‌
# 32ఎంపీ సెల్ఫీ కెమెరా
# 5,000 ఎమ్‌ఏహెచ్‌ బ్యాటరీ (68W టర్బోఛార్జింగ్‌, 15W వైర్‌లెస్‌ ఛార్జింగ్‌)
# ఐపీ68 రేటింగ్