IND vs SL ODI Series: హాట్‌స్టార్‌, జియోసినిమాలో రాదు.. ఫ్రీగా ఎలా చూడాలంటే?

Where to watch IND vs SL 1st ODI for Free Live Streaming: శ్రీలంక పర్యటనలో మూడు టీ20ల సిరీస్‌ను గెలిచిన భారత జట్టు.. మూడు వన్డేల సిరీస్‌ కోసం సిద్ధమవుతోంది. ఈ సిరీస్‌లో టీమిండియా సీనియర్ ప్లేయర్స్ విరాట్ కోహ్లీ, రోహిత్ శర్మ, కేఎల్ రాహుల్, శ్రేయస్ అయ్యర్ బరిలోకి దిగుతున్నారు. టీ20 సిరీస్ తరహాలోనే వన్డే సిరీస్‌ను కూడా క్లీన్ స్వీప్ చేయాలని భారత్ భావిస్తోంది. శుక్రవారం కొలంబో వేదికగా భారత్, శ్రీలంక జట్ల మధ్య మొదటి మ్యాచ్ జరగనుంది. మధ్యాహ్నం 2.30 గంటలకు మ్యాచ్ ఆరంభం కానుంది. అయితే ఈ మ్యాచ్‌లను హాట్‌స్టార్‌, జియోసినిమాలో ఫ్రీగా చూసే అవకాశం లేదు.

భారత జట్టు ఆడే విదేశీ సిరీస్‌లకు సోనీ స్పోర్ట్స్ నెట్‌వర్క్ అధికారిక బ్రాడ్‌కాస్టర్‌గా వ్యవహరిస్తోంది. దాంతో హాట్‌స్టార్, స్టార్ స్పోర్ట్స్, జియోసినిమాలో లైవ్ స్ట్రీమింగ్ రాదు. సోనీ నెట్‌వర్క్‌కు సంబంధించిన సోనీ స్పోర్ట్స్ టెన్ 3, 4, 5 ఛానెల్‌లలో ఈ మ్యాచ్‌లు ప్రత్యక్ష ప్రసారం కానున్నాయి. సోనీ నెట్‌వర్క్‌కు సంబంధించిన ఓటీటీ ఫ్లాట్‌ఫామ్ ‘సోనీ లివ్’ యాప్‌లో‌ కూడా లైవ్ స్ట్రీమింగ్ వస్తుంది. టీవీ ఛానెల్స్, సోనిలివ్ యాప్‌లో చూడాలంటే సబ్‌స్క్రిప్షన్‌ తీసుకోవాల్సిందే. ఫ్రీగా చూడాలనుకుంటే మాత్రం ‘జియోటీవీ’ యాప్‌లో చూడవచ్చు. యాప్‌లో సోనీ టీవీ నెట్‌వర్క్ ఛానెల్స్‌ను ఎంపిక చేసుకోని వన్డే సిరీస్ మ్యాచ్‌లను చూడవచ్చు.

Also Read: IPL 2025 Mega Auction: నెస్ వాడియాతో షారుఖ్‌ ఖాన్ వాగ్వాదం.. కావ్య మారన్ మద్దతు!

వన్డే సిరీస్ షెడ్యూల్:
మొదటి వన్డే: ఆగష్టు 2, కొలంబో
రెండో వన్డే: ఆగష్టు 4, కొలంబో
మూడో వన్డే: ఆగష్టు 7, కొలంబో