Malaikottai Vaaliban :అనుకున్న సమయం కంటే ముందుగానే ఓటీటీలోకి వచ్చేస్తున్న మోహన్ లాల్ మూవీ..?

మలయాళ సూపర్ స్టార్ మోహన్‍లాల్ హీరోగా నటించిన మలైకొట్టై వాలిబన్ చిత్రం భారీ అంచనాలతో ప్రేక్షకుల ముందుకు వచ్చింది. పీరియాడికల్ యాక్షన్ డ్రామాగా గ్రాండ్‍గా తెరకెక్కిన ఈ మూవీ జనవరి 25న రిలీజ్ అయింది.ఈ మూవీని జానీ, మేరీ క్రియేటివ్ ఫిల్మ్స్, మ్యాక్స్ ల్యాబ్ సినిమాస్, సరేగామా మరియు ఆమెన్ మూవీ మొనాస్ట్రీ బ్యానర్లు సంయుక్తంగా నిర్మించాయి.లిజో జోస్ పిలిసెరీ దర్శకత్వం వహించిన ఈ చిత్రం బాక్సాఫీస్ వద్ద మాత్రం నిరాశపరిచింది. మిక్స్డ్ టాక్ తెచ్చుకొని ఆశించిన స్థాయిలో వసూళ్లను రాబట్టలేకపోయింది. ఇప్పుడు మలైకొట్టై వాలిబన్ చిత్రం ఓటీటీలో అడుగుపెట్టేందుకు సిద్ధమవుతోంది.మలైకొట్టై వాలిబన్ సినిమా ఫిబ్రవరి 23వ తేదీన డిస్నీ+ హాట్‍స్టార్ ఓటీటీ ప్లాట్‍ఫామ్‍లోకి రానున్నట్లు తెలుస్తుంది.అంటే థియేటర్లలో రిలీజైన నెలలోపే ఈ చిత్రం ఓటీటీలోకి స్ట్రీమింగ్‍కు రానుంది. ఈ విషయంపై హాట్‍స్టార్ అధికారిక ప్రకటన చేయాల్సి ఉంది. అతి త్వరలోనే హాట్ స్టార్ నుంచి అధికారిక ప్రకటన వచ్చే అవకాశం ఉంది.

మలైకొట్టై వాలిబన్ సినిమా అనుకున్న దాని కంటే ముందుగానే ఓటీటీలోకి వస్తోంది. మార్చి 1వ తేదీన ఈ చిత్రం స్ట్రీమింగ్‍కు రానుందని ముందుగా సమాచారం బయటికి వచ్చింది. అయితే, థియేట్రికల్ రన్ ఇప్పటికే ముగిసిపోవటంతో ఫిబ్రవరి 23నే డిస్నీ+ హాట్‍స్టార్‌లో స్ట్రీమింగ్‍కు వచ్చేందుకు ఈ మూవీ రెడీ అవుతోంది.మలైకొట్టై వాలిబన్ చిత్రం హాట్‍స్టార్ ఓటీటీలో ఫిబ్రవరి 23న స్ట్రీమింగ్ కానుంది. అయితే, తెలుగు వెర్షన్ అందుబాటులోకి వస్తుందా లేదా అనే విషయంపై సందిగ్ధత నెలకొంది. ముందుగా ఈ చిత్రాన్ని తెలుగులో కూడా థియేటర్లలో రిలీజ్ చేయాలని మూవీ టీమ్ భావించింది. అయితే, అది సాధ్యం కాలేదు. అందులోను ఈ సినిమాకు మిక్స్డ్ టాక్ రావటంతో తెలుగు వెర్షన్ ను తీసుకురాలేదు. మరి ఓటీటీలో అయినా మలైకొట్టై వాలిబన్ తెలుగు డబ్బింగ్‍లో వస్తుందో లేదో చూడాలి