కాంగ్రెస్ కుటుంబ పార్టీ కాదు త్యాగాల పార్టీ అని అన్నారు మంత్రి సీతక్క. ప్రజల కోసమే పనిచేసే పార్టీ కాంగ్రెస్ అని ఆమె అన్నారు. ఇవాళ నిర్మల్ జిల్లా ఖానాపూర్ నియోజక వర్గ కార్యకర్తల సమావేశంలో మంత్రి సీతక్క పాల్గొన్నారు. ఈ సందర్భంగా ఆమె మాట్లాడుతూ.. బీఆర్ఎస్, బీజేపీ రెండు ఒక్కటే అని ఆమె వ్యాఖ్యానించారు. ఆ రెండు పార్టీలు వ్యక్తుల పార్టీలు స్వార్థపూరిత పార్టీలు అని ఆయన అన్నారు. ఓట్ల చీలిక కోసం కొత్త నాటకాలు ఆడుతున్నారన్నారు మంత్రి సీతక్క. ఇప్పుడు ఓ నాయకుడు కండువా కప్పుకొని గత ప్రభుత్వ కాలం స్వర్ణ యుగం అంటున్నాడని, మరి అప్పుడు ఎందుకు పార్టీ కి అధ్యక్షుడిగా ఉన్నావు అంటూ ఆర్ ఎస్ ప్రవీణ్ ను మంత్రి సీతక్క ప్రశ్నించారు. అక్షింతలు ఇచ్చి అధికారం లోకి రావాలని చూస్తున్నారని, దేశం కోసం, దేశమే కుటుంబం గా భావించి జనం కోసం పనిచేసే కుటుంబ సోనియా గాంధీ కుటుంబమన్నారు. రాహుల్ ను ప్రధాని చేయటం కోసం ప్రతి ఒక్కరు కృషి చేయాలని, పార్టీ లోకి వచ్చే వారిని వద్దనవద్దన్నారు. జనం లో మంచి పేరు ఉంటే జనం తో ఉన్న వారిని పార్టీలోకి తీసుకురండన్నారు.
ఇదిలా ఉంటే.. ఖానాపూర్లో ఇటీవల దారుణ హత్యకు గురైన అలేఖ్య కుటుంబాన్ని మంత్రి సీతక్క పరామర్శించారు. నిర్మల్ జిల్లా ఖానాపూర్ నియోజకవర్గంలో ఇవాళ ఆమె పర్యటించారు. అనంతరం పెంబి మండల పరిధిలోని కొట్టుకుపోయిన పసుపుల వంతెనను అధికారులతో కలిసి పరిశీలించారు. అనంతరం ఆమె ఖానాపూర్లో హత్యకు గురైన అలేఖ్య కుటుంబాన్ని పరామర్శించి వారి బాగోగులు తెలుసుకున్నారు. ఈ సందర్భంగా ఆమె మాట్లాడుతూ.. అలేఖ్యను హత్య చేసిన నిందితుడికి కఠిన శిక్ష పడేలా చూస్తామని హామీ ఇచ్చారు. అదేవిధంగా బాధితురాలి కుటుంబానికి ప్రభుత్వం అండగా ఉంటుందని మంత్రి సీతక్క పేర్కొన్నారు.
