Chiranjeevi: కుర్ర హీరోలే కుళ్లుకునేలా.. ఆ క్యూట్ నెస్ ఏంటి మాస్టారూ..!

Chiranjeevi: మెగాస్టార్ చిరంజీవికి ఉన్న క్రేజ్ గురించి ప్రత్యేకంగా చెప్పాల్సిన పనిలేదు. ఆయన సినిమా వస్తుందంటే అభిమానుల్లో అంచనాలు మాములుగా ఉండవు. టాలీవుడ్‌లో ఎంత మంది హీరోలు ఉన్నప్పటికీ మెగాస్టార్ రేంజ్ వేరే లెవల్. ఎన్నో ఏళ్ల నుంచి స్టార్ హీరోగా టాలీవుడ్ ను ఏలేస్తున్నారు. మధ్యలో పదేళ్ల పాటు ఇండస్ట్రీకి దూరంగా ఉన్నారు. ఇప్పటికీ యంగ్ హీరోలకు పోటీగా వరుస సినిమాలతో బిజీగా తన అభిమానులను అలరిస్తున్నారు. మెగాస్టార్ సినిమాలను భారీ ఓపెనింగ్స్, కటౌట్స్ మామూలుగా ఉండవు. చిరంజీవి సెకండ్ ఇన్నింగ్స్ స్టార్ట్ చేసి దాదాపు 5సినిమాలు తీశారు. వాటిలో రెండు రూ.200కోట్ల సినిమాలు కాగా మూడు డిజాస్టర్లుగా నిలిచాయి. వాటిలో తాజాగా వచ్చిన భోళాశంకర్ సినిమా ఒకటి. ఈ సినిమా ప్రేక్షకులను దారుణంగా నిరాశపరిచింది. మెహర్ రమేష్ దర్శకత్వంలో వచ్చిన ఈ సినిమా తమిళ్ మూవీ వేదాళం సినిమాకు రీమేక్. తమిళ్తో పోల్చుకుంటే చాలా మార్పులు చేశారు కానీ సినిమా సక్సెస్ అందుకోలేదు. ఈ సినిమాలో తమన్నా హీరోయిన్, చెల్లెలి పాత్రలో కీర్తి సురేష్ నటించింది. ఈ సినిమా ఫ్లాప్ తో మెగాస్టార్ ఫ్యాన్స్ అంతా వచ్చే సినిమా అయినా సాలిడ్ హిట్ కొట్టేలా ప్లాన్ చేయి మాస్టారు అంటున్నారు.

Read Also:Anushka: శెట్టి-పొలిశెట్టి వస్తున్నారు నవ్వడానికి రెడీగా ఉండండి…

ఈ క్రమంలోనే చిరంజీవి నెక్ట్స్ సినిమా గురించి పట్టుదలతో ఉన్నారని ఓ ఆసక్తికర వార్త ఇప్పుడు వైరల్ అవుతుంది. చిరంజీవి తన తదుపరి సినిమా మురగదాస్ దర్శకత్వంలో చేయాలనీ భావిస్తున్నారట. రజినీకాంత్, కమల్ హాసన్ తరహాలోనే ఇప్పుడు మెగాస్టార్ కూడా అదే తరహా యాక్షన్ ఎంటర్టైనర్ తో సినిమా చేసి కంబ్యాక్ కావాలని చూస్తున్నారట. ఈ మేరకే తాజాగా చిరంజీవికి సంబంధించిన కొన్ని స్టిల్స్ సోషల్ మీడియాలో వైరల్ అవుతున్నాయి. వాటిలో చిరంజీవికి 60+అనేలా లేరు. యంగ్ హీరోల కంటే కూడా చిన్న వాడిలా కనిపిస్తున్నారు. ఈ ఫోటోలను చూసిన అభిమానులు వారెవ్వా బాసూ.. పిచ్చ క్యూట్ గా ఉన్నావంటూ ఆనందం వ్యక్తం చేస్తున్నారు. మిమ్మల్ని చూస్తే కుర్రహీరోలంతా కుళ్లుకునేలా ఉన్నారంటూ ఆకాశానికి ఎత్తేస్తున్నారు. ప్రస్తుతం మురగదాస్ శివకార్తికేయన్ తో సినిమా చేస్తున్నాడు. అది అయిన తర్వాత మెగాస్టార్ , మురుగదాస్ కాంబో మూవీ ఉంటుందని వార్తలు వస్తున్నాయి. మరి వాటిలో ఎంత నిజం ఉందో తెలియాల్సి ఉంది. ఏది ఏమైనా చిరంజీవి లుక్ మాత్రం కెవ్వుకేక.

Read Also:Fire Accident : రాజేంద్రనగర్ లో భారీ అగ్ని ప్రమాదం.. ఎగసిపడుతున్న మంటలు..