Fire Broke out in Dhaba : గ్రేటర్ నోయిడాలోని గౌర్ సిటీ సమీపంలోని దుకాణాలు, దాబాలలో బుధవారం ఉదయం భారీ అగ్నిప్రమాదం జరిగింది. బిస్రఖ్ పోలీస్ స్టేషన్ పరిధిలోని కొన్ని ధాబాలలో షార్ట్ సర్క్యూట్ కారణంగా మంటలు చెలరేగాయని చెబుతున్నారు. ఈ మంటల కారణంగా ఆకాశంలో నల్లటి పొగలు కమ్ముకున్నాయి. అగ్ని ప్రమాదంపై అగ్నిమాపక శాఖకు సమాచారం అందించారు. అనంతరం ఎనిమిది ఫైర్ ఇంజన్లు ఘటనా స్థలానికి చేరుకుని మంటలను అదుపు చేసే పనిలో పడ్డాయి. అగ్నిప్రమాదంతో చుట్టుపక్కల ప్రజలు భయాందోళనకు గురవుతున్నారు.
బిస్రఖ్ పోలీస్ స్టేషన్ పరిధిలోని హిండన్ నది ఒడ్డున నిర్మించిన క్లోజ్డ్ ధాబాలో ఉదయం షార్ట్ సర్క్యూట్ కారణంగా మంటలు చెలరేగాయి. సమీపంలోని ఆరు దాబాలు, రెండు దుకాణాలు కూడా ఈ భారీ అగ్నిప్రమాదంలో చిక్కుకున్నాయి. దాబాల లోపల గ్యాస్ సిలిండర్లను కూడా ఉంచారు. సమాచారం అందుకున్న అగ్నిమాపక సిబ్బంది సంఘటనా స్థలానికి చేరుకున్నారు. ముందుగా లోపల ఉంచిన గ్యాస్ సిలిండర్లను బయటకు తీశారు. రెండు గంటలపాటు శ్రమించి మంటలను అదుపులోకి తీసుకొచ్చారు. ఈ అగ్ని ప్రమాదంలో ఎలాంటి ప్రాణ నష్టం జరగలేదని అగ్నిమాపక అధికారి ప్రదీప్ కుమార్ తెలిపారు.
Read Also:Chaari 111 OTT: అప్పుడే ఓటీటీలోకి వచ్చేస్తున్న వెన్నెల కిషోర్ మూవీ.. స్ట్రీమింగ్ ఎప్పుడంటే?
#WATCH उत्तर प्रदेश: ग्रेटर नोएडा के बिसरख थाना क्षेत्र में कुछ ढाबों में शॉर्ट सर्किट के कारण भीषण आग लग गई। मौके पर दमकल की आठ गाड़ियां मौजूद हैं। आग बुझाने का काम चल रहा है। विवरण की प्रतीक्षा है।
(वीडियो सोर्स: जिला अग्निशमन अधिकारी) pic.twitter.com/xoxZi8qjFC
— ANI_HindiNews (@AHindinews) March 13, 2024
అగ్నిమాపక శాఖ తెలిపిన వివరాల ప్రకారం.. ఈరోజు ఉదయం 7 గంటల ప్రాంతంలో మంటలు చెలరేగినట్లు సమాచారం. అనంతరం అగ్నిమాపక సిబ్బంది సంఘటనా స్థలానికి చేరుకున్నారు. సంఘటనా స్థలానికి చేరుకుని పరిశీలించగా ఆరు దాబాలు, రెండు దుకాణాలు దగ్ధమైనట్లు గుర్తించారు. మంటలు చాలా తీవ్రంగా ఉండడంతో అగ్నిమాపక సిబ్బంది వచ్చి మంటలను అదుపులోకి తెచ్చారు.
Read Also:Praneeth Rao: ప్రణీత్రావు కేసు.. ప్రత్యేక టీంకు బదిలీచేసిన పోలీసులు