మంచు విష్ణు నటిస్తున్న పాన్-ఇండియా చిత్రం ‘కన్నప్ప’కు సంబంధించిన హార్డ్ డిస్క్ మాయమైన వ్యవహారం టాలీవుడ్‌లో హాట్ టాపిక్‌గా మారిన విషయం తెలిసిందే. ఈ హార్డ్ డిస్క్‌లో సినిమాకు సంబంధించిన కీలకమైన వీఎఫ్‌ఎక్స్ డేటా, యాక్షన్ సీక్వెన్స్‌లు ఉన్నాయని, దీని మాయం వెనుక తన తమ్ముడు మంచు మనోజ్ హస్తం ఉందని విష్ణు ఆరోపించడం సంచలనం రేపింది. ఈ నేపథ్యంలో, మంచు మనోజ్ నటించిన ‘భైరవం’ సినిమా సక్సెస్ ఈవెంట్‌లో ఈ విషయంపై జర్నలిస్ట్ అడిగిన ప్రశ్నకు మనోజ్ వ్యంగ్యాస్త్రాలతో స్పందించారు.
READ MORE: Former MP Bharat: “చంద్రబాబును ఎన్టీఆర్ ఔరంగాజేబ్‌తో పోల్చారు”.. మాజీ ఎంపీ సంచలన వ్యాఖ్యలు..
అయితే, వివాదాన్ని పక్కనపెట్టి సినిమా ఈవెంట్‌పై దృష్టి పెట్టాలని సూచిస్తూ సంయమనం పాటించారు. మే 30, 2025న హైదరాబాద్‌లో జరిగిన ‘భైరవం’ సక్సెస్ ఈవెంట్‌లో మంచు మనోజ్‌తో పాటు చిత్ర యూనిట్ సభ్యులు, సహ నటులు పాల్గొన్నారు. ఈ సందర్భంగా ఒక జర్నలిస్ట్ కన్నప్ప హార్డ్ డిస్క్ మాయం గురించి ప్రశ్నించగా, మనోజ్ వ్యంగ్యంగా, “హార్డ్ డిస్క్ మీకే ఇచ్చాను కదా!” అని నవ్వు పూయిస్తూ సమాధానమిచ్చారు. అనంతరం, తన స్పందనను సీరియస్‌గా మారుస్తూ, “ఇది సినిమా ఈవెంట్. ఇక్కడ సినిమా గురించే మాట్లాడుకుందాం. సినిమా వెనుక ఎంత కష్టం ఉంటుందో నాకు తెలుసు,” అని అన్నారు. మనోజ్ కొనసాగిస్తూ, గతంలో ‘కన్నప్ప’ సినిమాపై తాను చేసిన వ్యాఖ్యలను సూచిస్తూ, “మొన్న కన్నప్ప సినిమాపై జోకులు వేసి తప్పు చేశాను. సినిమా వెనుక ఉండే కష్టం నాకు తెలుసు. విష్ణు అన్నకు ‘కన్నప్ప’ కోసం ఆల్ ది బెస్ట్,” అని చెప్పారు. ఈ వ్యాఖ్యలతో మనోజ్, వివాదాన్ని పక్కనపెట్టి, తన అన్న సినిమాకు శుభాకాంక్షలు తెలిపారు, ఇది అభిమానుల దృష్టిని ఆకర్షించింది.
READ MORE: Pakistan Spy: ‘‘పాకిస్తాన్ సొంత ఇళ్లులా అనిపిస్తుంది’’.. గూఢచారిని పట్టించిన ఇంటర్వ్యూ..
